قازاقستان ازاماتتارىنىڭ جەكە مەلٸمەتتەرٸن ساتقان پوليتسەيلەر ۇستالدى. بۇل تۋرالى قر ٸٸم ٶزٸندٸك قاۋٸپسٸزدٸك دەپارتامەنتٸنٸڭ باستىعى ارمان سادانوۆ ايتتى, دەپ حابارلايدى «ۇلت اقپارات».
ونىڭ اتاپ ٶتۋٸنشە, الماتى قالالىق پوليتسييا دەپارتامەنتٸنٸڭ قازٸرگٸ جەنە بۇرىنعى قىزمەتكەرٸنٸڭ قاتىسى بار قىلمىستىق توپ ۇستالدى. پوليتسييا قىزمەتكەرلەرٸ ازاماتتىق تۇلعالارمەن ىمىرالاسىپ, ۆەدومستۆولىق اقپاراتتىق بازانى ساتۋدى بيزنەسكە اينالدىرىپ العان.
«جەكە مەلٸمەتتەر ٷشٸنشٸ تۇلعالاردىڭ قولىنا تٷسٸپ وتىرعان», - دەدٸ دەپارتامەنت باستىعى.
ارمان سادانوۆتىڭ ناقتىلاي تٷسۋٸنشە, اتالعان قىلمىستىق ەرەكەتكە الماتى قالالىق پوليتسييا دەپارتامەنتٸنٸڭ قىزمەت ٸستەپ جٷرگەن 2 قىزمەتكەرٸنٸڭ جەنە بۇرىنعى 3 قىزمەتكەرٸنٸڭ, بٸر ازاماتتىق تۇلعانىڭ قاتىسى بار ەكەندٸگٸ انىقتالىپ وتىر.
«ولاردىڭ تٸكەلەي باستىقتارى قاتاڭ تەرتٸپتٸك جازاعا تارتىلدى. تٸپتٸ لاۋازىمىنان بوساتىلعاندارى دا بار», - دەدٸ ول.
