Qazaqstan azamattary QR Konstitýtsiiasyna ózgerister men tolyqtyrýlar engizý jónindegi referendýmǵa shetelde júrip te qatysa alady. Bul týraly QR syrtqy ister ministrliginiń baspasóz qyzmeti habarlady.
«QR Prezidentiniń 5 mamyrdaǵy №888 Jarlyǵyna sáikes 5 maýsymda Qazaqstan Respýblikasynyń Konstitýtsiiasyna ózgerister men tolyqtyrýlar engizý boiynsha jalpyulttyq referendým ótedi.
Qazaqstannyń sheteldegi mekemeleriniń janynan 52 shet memlekette 65 ýchaskelik komissiia quryldy», - delingen habarlamada.
Daýys berýge qatysý úshin belsendi sailaý quqyǵy bar, tiisti shet memlekette turatyn nemese jeke, qyzmettik, iskerlik jáne týristik maqsatpen júrgen jáne QR azamatynyń jaramdy pasporty bar Qazaqstan Respýblikasynyń azamattary ýchaskelik komissiia qurylǵan Qazaqstannyń diplomatiialyq ókildigine júgine alady.
QR sheteldegi mekemelerinde daýys berý «Qazaqstan Respýblikasyndaǵy sailaý týraly» QR Konstitýtsiialyq zańynyń 38-shi babynyń 1-shi tarmaǵyna sáikes referendým ótkiziletin kúni (2022 jylǵy 5 maýsym) jergilikti ýaqyt boiynsha saǵat 07:00-den 20:00-ge deiin ótkiziletin bolady.
«Sonymen birge, sheteldegi sailaý protsesin ýaqtyly jáne tolyqtai daiyndaý maqsatynda Qazaqstan Respýblikasynyń azamattaryn jaqyn mańdaǵy sailaý ýchaskesine aldyn-ala habarlasyp, sailaýshylar tizimine engizý úshin málimet berýlerin suraimyz», - dep habarlady SIM.
