قازاقستان ازاماتتارى قر كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ جٶنٸندەگٸ رەفەرەندۋمعا شەتەلدە جٷرٸپ تە قاتىسا الادى. بۇل تۋرالى قر سىرتقى ٸستەر مينيسترلٸگٸنٸڭ باسپاسٶز قىزمەتٸ حابارلادى.
«قر پرەزيدەنتٸنٸڭ 5 مامىرداعى №888 جارلىعىنا سەيكەس 5 ماۋسىمدا قازاقستان رەسپۋبليكاسىنىڭ كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ بويىنشا جالپىۇلتتىق رەفەرەندۋم ٶتەدٸ.
قازاقستاننىڭ شەتەلدەگٸ مەكەمەلەرٸنٸڭ جانىنان 52 شەت مەملەكەتتە 65 ۋچاسكەلٸك كوميسسييا قۇرىلدى», - دەلٸنگەن حابارلامادا.
داۋىس بەرۋگە قاتىسۋ ٷشٸن بەلسەندٸ سايلاۋ قۇقىعى بار, تيٸستٸ شەت مەملەكەتتە تۇراتىن نەمەسە جەكە, قىزمەتتٸك, ٸسكەرلٸك جەنە تۋريستٸك ماقساتپەن جٷرگەن جەنە قر ازاماتىنىڭ جارامدى پاسپورتى بار قازاقستان رەسپۋبليكاسىنىڭ ازاماتتارى ۋچاسكەلٸك كوميسسييا قۇرىلعان قازاقستاننىڭ ديپلوماتييالىق ٶكٸلدٸگٸنە جٷگٸنە الادى.
قر شەتەلدەگٸ مەكەمەلەرٸندە داۋىس بەرۋ «قازاقستان رەسپۋبليكاسىنداعى سايلاۋ تۋرالى» قر كونستيتۋتسييالىق زاڭىنىڭ 38-شٸ بابىنىڭ 1-شٸ تارماعىنا سەيكەس رەفەرەندۋم ٶتكٸزٸلەتٸن كٷنٸ (2022 جىلعى 5 ماۋسىم) جەرگٸلٸكتٸ ۋاقىت بويىنشا ساعات 07:00-دەن 20:00-گە دەيٸن ٶتكٸزٸلەتٸن بولادى.
«سونىمەن بٸرگە, شەتەلدەگٸ سايلاۋ پروتسەسٸن ۋاقتىلى جەنە تولىقتاي دايىنداۋ ماقساتىندا قازاقستان رەسپۋبليكاسىنىڭ ازاماتتارىن جاقىن ماڭداعى سايلاۋ ۋچاسكەسٸنە الدىن-الا حابارلاسىپ, سايلاۋشىلار تٸزٸمٸنە ەنگٸزۋ ٷشٸن مەلٸمەت بەرۋلەرٸن سۇرايمىز», - دەپ حابارلادى سٸم.
