Qazaqstan azamattary óz erikterimen otandyq ǵalymdar ázirlegen koronavirýsqa qarsy vaktsinany tájiribe retinde saldyrylyp jatyr. Solardyń biri - saiasattanýshy Maqsat Jaqaý vaktsinatsiiadan ótkendigin Facebook paraqshasynda jariia etti, dep habarlaidy "Ult aqparat".
«Búgin adamzattyń qas jaýyna ainalǵan COVID-19-ǵa qarsy otandyq vaktsinany arnaiy meditsinalyq tekserýlerden iriktelip, óz erkimmen saldyrdym. Qatysýshylar kóp. Biraq densaýlyqtaryna bailanysty kóbi ótpedi. 18-ben 50 jas aralyǵyndaǵy kandidattar tizimimen vaktsinatsiianyń ekinshi kezeńinde tájiribelik topqa endim. Vaktsinany jasaýmen meditsina ǵylymynda esimderi álemge tanylǵan professorlar ainalysty. Bul ǵylymymyzdyń joǵarǵy kórsetkishin tanytady. Buiyrsa vaktsinanyń oń nátijelerine qarai elimizdiń ǵana emes, álemdik deńgeide adamzattyń igiligine qoldanatyn em-domnyń shyǵýyna senýimiz kerek. Bastysy virýs bolsa onyń antivirýsy da bolýy kerek. Otandyq ǵylym sol jolda izdenis ústinde», - deidi Maqsat Jaqaý.
Aita keteiik, QR Bilim jáne ǵylym ministri Ashat Aimaǵambetov te koronavirýs indetine qarsy ázirlengen otandyq vaktsinany saldyrǵandyǵyn aitqan bolatyn.
Buǵan deiin QR BǴM Ǵylym komitetiniń Biologiialyq qaýipsizdik problemalary ǵylymi-zertteý institýtynda ázirlengen koronavirýs infektsiiasyna qarsy QazCovid-in vaktsinasyn klinikalyq zertteý bastalǵan habarlaǵan edik.
