Foto: elements.envato.com
Aýyldyq jerlerde náreste ólimi kóbeigen. Bul týraly densaýlyq saqtaý ministri Ajar Ǵiniiat málimdedi, - dep habarlaidy Tengrinews.kz.
"Alty ai qorytyndysy boiynsha, aýyldardaǵy ana ólimi qalaǵa qaraǵanda eki ese tómen. Biyl aýyldyq jerlerde sábi ólimi kórsetkishi byltyrǵy osy kezeńimen salystyrǵanda 30,6 paiyzǵa artqany baiqalady. 2022 jyldyń jeti aiynda bul kórsetkish 6,09 paiyz boldy, al 2021 jyldyń jeti aiynda ol 4,66 paiyz bolǵan. Bul rette aýyldaǵy balalar ólimi kórsetkishi qalamen salystyrǵanda 38,7 paiyzǵa tómen", - dedi Ǵiniiat Májilistegi Úkimet saǵatynda.
Densaýlyq saqtaý ministriniń aitýynsha, bala ólimi áielderdiń densaýlyǵyna tikelei bailanysty.
Onyń aitýynsha, áielderdiń densaýlyǵyn saqtaý jáne balalar densaýlyǵyn nyǵaitý úshin júkti áielderdi jeke jáne aralyq bosanǵanǵa deiingi baqylaý kúsheitilgen, osylaisha Ǵiniiattyń aitýynsha, bul kórsetkish 82 paiyz bolǵan.
