Qazaqstan aýmaǵynda jalǵan eýro ótkizýmen ainalysqan Resei azamaty 5 jylǵa sottaldy, dep habarlaidy "Ult aqparat" Qarjy monitoringi komitetiniń baspasóz qyzmetine silteme jasap.
Mamyr aiynda Qazaqstan aýmaǵynda nominaly 500 eýrolyq jalǵan kýpiýrany ótkizýdi júzege asyrǵan transulttyq qylmystyq top quramyna engen tulǵalarǵa qatysty aiyptaý úkimi shyqty.
QR QM Qarjy monitoringi komitetiniń Soltústik Qazaqstan oblysy boiynsha Ekonomikalyq tergeýler departamentiniń qyzmetkerleri jalǵan aqsha jetkizý kanalynyń jolyn kesti.
Tergeý amaldaryn júrgizý barysynda ainalymnan 500 eýro nominalyndaǵy 151 jalǵan kýpiýra alyndy.
«Petropavl qalalyq sotynyń úkimimen aiyptalýshylar QR Qylmystyq kodeksiniń 264-baby 2-bólimi, 231-baby 3-bólimi, 190-baby 4-bólimi, 392-baby 1-bólimi, 218-baby 2-bólimi boiynsha kináli dep tanyldy. Qylmys jasaýǵa tikelei qatysqan Resei Federatsiiasynyń azamaty Qazaqstan Respýblikasynyń sheginen tysqary jerge bes jyl merzimge shyǵarylyp, oǵan múlkin tárkilenýmen, 5 jyl merzimge bas bostandyǵynan aiyrý túrinde jaza taǵaiyndaldy, qylmys jasaýda seriktes bolǵan tulǵalarǵa 5 jylǵa probatsiia baqylaýyn belgileýmen shartty túrde 5 jylǵa bas bostandyǵynan aiyrý túrinde jaza taǵaiyndaldy», delingen habarlamada.
