قازاقستان اۋماعىندا جالعان ەۋرو ٶتكٸزۋمەن اينالىسقان رەسەي ازاماتى 5 جىلعا سوتتالدى, دەپ حابارلايدى "ۇلت اقپارات" قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
مامىر ايىندا قازاقستان اۋماعىندا نومينالى 500 ەۋرولىق جالعان كۋپيۋرانى ٶتكٸزۋدٸ جٷزەگە اسىرعان ترانسۇلتتىق قىلمىستىق توپ قۇرامىنا ەنگەن تۇلعالارعا قاتىستى ايىپتاۋ ٷكٸمٸ شىقتى.
قر قم قارجى مونيتورينگٸ كوميتەتٸنٸڭ سولتٷستٸك قازاقستان وبلىسى بويىنشا ەكونوميكالىق تەرگەۋلەر دەپارتامەنتٸنٸڭ قىزمەتكەرلەرٸ جالعان اقشا جەتكٸزۋ كانالىنىڭ جولىن كەستٸ.
تەرگەۋ امالدارىن جٷرگٸزۋ بارىسىندا اينالىمنان 500 ەۋرو نومينالىنداعى 151 جالعان كۋپيۋرا الىندى.
«پەتروپاۆل قالالىق سوتىنىڭ ٷكٸمٸمەن ايىپتالۋشىلار قر قىلمىستىق كودەكسٸنٸڭ 264-بابى 2-بٶلٸمٸ, 231-بابى 3-بٶلٸمٸ, 190-بابى 4-بٶلٸمٸ, 392-بابى 1-بٶلٸمٸ, 218-بابى 2-بٶلٸمٸ بويىنشا كٸنەلٸ دەپ تانىلدى. قىلمىس جاساۋعا تٸكەلەي قاتىسقان رەسەي فەدەراتسيياسىنىڭ ازاماتى قازاقستان رەسپۋبليكاسىنىڭ شەگٸنەن تىسقارى جەرگە بەس جىل مەرزٸمگە شىعارىلىپ, وعان مٷلكiن تەركiلەنۋمەن, 5 جىل مەرزٸمگە باس بوستاندىعىنان ايىرۋ تٷرٸندە جازا تاعايىندالدى, قىلمىس جاساۋدا سەرٸكتەس بولعان تۇلعالارعا 5 جىلعا پروباتسييا باقىلاۋىن بەلگٸلەۋمەن شارتتى تٷردە 5 جىلعا باس بوستاندىعىنان ايىرۋ تٷرٸندە جازا تاعايىندالدى», دەلٸنگەن حابارلامادا.
