- Qazaqstan aýmaǵy shóleittenip bara jatqan joq. Bul týraly búgin Ortalyq kommýnikatsiialar qyzmetindegi brifingte QR Aýyl sharýashylyǵy ministrligi Sý resýrstary komitetiniń tóraǵasy Islam Ábishev málim etti, dep habarlaidy Ult.kz tilshisi QazAqparat agenttigine silteme jasap.
«Qumdy aýmaqtardyń ulǵaiýyna qatysty aitar bolsa, óz basym kóptegen sarapshylarǵa senbeimin. Nelikten? Sebebi Ertiske qatysty óte kóp saraptamalyq qorytyndy bar. Men saraptamalyq qorytyndylary zerdelep, sarapshylarǵa habarlasqan da edim. Olardan: «Siz muny qaidan jáne qandai negizge súienip aldyńyz?» desem, olar qandai da bir gazette nemese jýrnalda jariia etilgen basqa sarapshynyń málimetterine silteme jasaidy. Odan ary qazbalap, aqyry sońynda derekkózin taba almadyq», - dedi ol BAQ ókilderiniń saýalyna orai.
Onyń aitýynsha, Qazaqstan jeri qurǵaqshylyqqa ushyrap, shóleittenip bara jatyr dep dabyl qaǵattyn sarapshylardyń birde-biri shynaiy jaǵdaidy bilmeidi.
«Bizde, Qazgidromette 140 jyl boiǵy Ertis ózenine baqylaý bar. Atalǵan sarapshylardyń birde-biri ony kórmegen. Al biraq, olar bir-birinen alyp qorytyndy jasaidy. Shóleittenýdiń ulǵaiyp bara jatýyna qatysty aitar bolsam, buǵan da men sene bermeimin», - dedi Ábishev.
