- قازاقستان اۋماعى شٶلەيتتەنٸپ بارا جاتقان جوق. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە قر اۋىل شارۋاشىلىعى مينيسترلٸگٸ سۋ رەسۋرستارى كوميتەتٸنٸڭ تٶراعاسى يسلام ەبٸشەۆ مەلٸم ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قۇمدى اۋماقتاردىڭ ۇلعايۋىنا قاتىستى ايتار بولسا, ٶز باسىم كٶپتەگەن ساراپشىلارعا سەنبەيمٸن. نەلٸكتەن? سەبەبٸ ەرتٸسكە قاتىستى ٶتە كٶپ ساراپتامالىق قورىتىندى بار. مەن ساراپتامالىق قورىتىندىلارى زەردەلەپ, ساراپشىلارعا حابارلاسقان دا ەدٸم. ولاردان: «سٸز مۇنى قايدان جەنە قانداي نەگٸزگە سٷيەنٸپ الدىڭىز?» دەسەم, ولار قانداي دا بٸر گازەتتە نەمەسە جۋرنالدا جارييا ەتٸلگەن باسقا ساراپشىنىڭ مەلٸمەتتەرٸنە سٸلتەمە جاسايدى. ودان ارى قازبالاپ, اقىرى سوڭىندا دەرەككٶزٸن تابا المادىق», - دەدٸ ول باق ٶكٸلدەرٸنٸڭ ساۋالىنا وراي.
ونىڭ ايتۋىنشا, قازاقستان جەرٸ قۇرعاقشىلىققا ۇشىراپ, شٶلەيتتەنٸپ بارا جاتىر دەپ دابىل قاعاتتىن ساراپشىلاردىڭ بٸردە-بٸرٸ شىنايى جاعدايدى بٸلمەيدٸ.
«بٸزدە, قازگيدرومەتتە 140 جىل بويعى ەرتٸس ٶزەنٸنە باقىلاۋ بار. اتالعان ساراپشىلاردىڭ بٸردە-بٸرٸ ونى كٶرمەگەن. ال بٸراق, ولار بٸر-بٸرٸنەن الىپ قورىتىندى جاسايدى. شٶلەيتتەنۋدٸڭ ۇلعايىپ بارا جاتۋىنا قاتىستى ايتار بولسام, بۇعان دا مەن سەنە بەرمەيمٸن», - دەدٸ ەبٸشەۆ.
