Is basyndaǵy ekologtar qaýymdastyǵynyń ókili Laýra Málikova aýa sapasyn baqylaý jáne AQ1 indeksine kóshý máselelerine arnalǵan dóńgelek ústelde Qazaqstanda aýany kim lastaitynyn málim etti, dep habarlaidy QazAqparat.
«Qazaqstanda aýany kim lastaidy? Bul, birinshiden, jylý elektr stansalary, elektr energetikasynyń kásiporyndary, kómirmen jumys isteitin jylý elektr stantsiialary. Odan keiingi orynda taý-ken metallýrgiia sektory tur. 2019 jylǵy derekter boiynsha osy sektordan 760 myń tonna, munai óndirýden 520 myń tonna shyǵaryndy qorshaǵan ortaǵa tastalǵan. Sonymen qatar, kólik jáne agroónerkásip kesheni bar. Jalpy, 2019 jyly atmosferaǵa 2,5 mln tonna qaldyq shyǵaryldy», - dedi Laýra Málikova.
Shara barysynda elimizde sońǵy jyldary aýa tazalyǵyn baqylaý úshin udaiy monitoring júrgiziletini aityldy. Jiynǵa qatysýshylar aýa sapasyn baǵalaityn AQI-Air quality indeksine jappai kóshý múmkindikterin de talqylady. Qazaqstanda bul indeks áli zańnamalyq deńgeide paidalanylmaidy. Biraq álem boiynsha aýanyń lastanýyn boljaý úshin keńinen qoldanylyp otyr.
