ٸس باسىنداعى ەكولوگتار قاۋىمداستىعىنىڭ ٶكٸلٸ لاۋرا مەلٸكوۆا اۋا ساپاسىن باقىلاۋ جەنە AQ1 يندەكسٸنە كٶشۋ مەسەلەلەرٸنە ارنالعان دٶڭگەلەك ٷستەلدە قازاقستاندا اۋانى كٸم لاستايتىنىن مەلٸم ەتتٸ, دەپ حابارلايدى قازاقپارات.
«قازاقستاندا اۋانى كٸم لاستايدى? بۇل, بٸرٸنشٸدەن, جىلۋ ەلەكتر ستانسالارى, ەلەكتر ەنەرگەتيكاسىنىڭ كەسٸپورىندارى, كٶمٸرمەن جۇمىس ٸستەيتٸن جىلۋ ەلەكتر ستانتسييالارى. ودان كەيٸنگٸ ورىندا تاۋ-كەن مەتاللۋرگييا سەكتورى تۇر. 2019 جىلعى دەرەكتەر بويىنشا وسى سەكتوردان 760 مىڭ توننا, مۇناي ٶندٸرۋدەن 520 مىڭ توننا شىعارىندى قورشاعان ورتاعا تاستالعان. سونىمەن قاتار, كٶلٸك جەنە اگروٶنەركەسٸپ كەشەنٸ بار. جالپى, 2019 جىلى اتموسفەراعا 2,5 ملن توننا قالدىق شىعارىلدى», - دەدٸ لاۋرا مەلٸكوۆا.
شارا بارىسىندا ەلٸمٸزدە سوڭعى جىلدارى اۋا تازالىعىن باقىلاۋ ٷشٸن ۇدايى مونيتورينگ جٷرگٸزٸلەتٸنٸ ايتىلدى. جيىنعا قاتىسۋشىلار اۋا ساپاسىن باعالايتىن AQI-Air quality يندەكسٸنە جاپپاي كٶشۋ مٷمكٸندٸكتەرٸن دە تالقىلادى. قازاقستاندا بۇل يندەكس ەلٸ زاڭنامالىق دەڭگەيدە پايدالانىلمايدى. بٸراق ەلەم بويىنشا اۋانىڭ لاستانۋىن بولجاۋ ٷشٸن كەڭٸنەن قولدانىلىپ وتىر.
