Elimizde kólik salasy boiynsha naqty kólem indeksi 2020 jyldyń qańtar-sáýirinde 89 paiyzdy qurady, dep habarlaidy "Ult aqparat".
QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatqa sáikes, koronavirýs indetine bailanysty Qazaqstan aýmaǵynda jolaýshylardy avtobýspen tasymaldaý, onyń ishinde qalalyq jolaýshylardy avtobýspen tasymaldaý, jolaýshylar poezdary, turaqty áýe qatynastary toqtatyldy. Keibir kásiporyndardy karantinge jabý kólik pen logistikaǵa áser etip, jetkizý kólemin jáne tasymaldaýǵa tapsyrystardy tómendetedi.
«Degenmen, bul kezeńde Qazaqstan arqyly konteinerlik tasymaldardyń jalpy kólemi ótken jyldyń sáikes kezeńimen salystyrǵanda 12 paiyzǵa ulǵaiyp, 211,6 myń jiyrma fýnttyq konteinerdi qurady. Onyń ishinde Qytai – Eýropalyq Odaq – Qytai baǵyty boiynsha konteinerler tasymaly 25 paiyzǵa artqan», - delingen ministrlik aqparatynda.
