QR Memlekettik hatshysy Gúlshara Ábdiqalyqova Túrikmenstannyń Qazaqstandaǵy Tótenshe jáne Ókiletti elshisi Toily Kómekovpen kezdesti, dep habarlaidy "Ult aqparat".
Kezdesý kezinde G.Ábdiqalyqova eki eldiń arasyndaǵy bailanystardyń kúsheiip kele jatqanyn airyqsha atap ótti. Oǵan Qazaqstan men Túrikmenstan prezidentteriniń qarym-qatynasy serpin berip otyr. «Ótken jyly prezidentterińiz Qazaqstanǵa memlekettik saparmen kelip ketti. Sol kezde ondaǵan kelisim rásimdeldi. Atalǵan qujattardyń ishinde strategiialyq áriptestik týraly kelisim de bar. Eki eldiń basshylary aýqymdy ári batyl maqsattardy qoidy. Atap aitqanda, ózara taýar ainalymyn barynsha arttyrý qajet. Sondyqtan atqarylatyn jumys kóp», - dedi G.Ábdihalyqova.
Memlekettik hatshy Araldy qutqarý qorynyń jumysyna da toqtaldy. Sebebi atalǵan uiymnyń tóraǵalyǵy Túrikmenstan memleketine tapsyrylǵan bolatyn. «Osy oraida birqatar mańyzdy jobalar bar. Biz onyń barlyǵyn qoldaýǵa daiynbyz. Jalpy, biz tyǵyz qarym-qatynas jasaýǵa múddeli bolyp otyrmyz. Qazir bizdiń elimizde mańyzdy bir kezeń bastaldy. Úlken reformalar qolǵa alynyp jatyr. Ekonomika jaǵynan da, saiasat jaǵynan ózgerister kóp. Árine, áleýmettik sala da nazardan tys qalmady. Siz Prezidentimizdiń bes áleýmettik bastamasy jaiynda estigen shyǵarsyz. Onyń ishinde baspanamen qamtý, bilim berý, shaǵyn nesieni kóbeitý, gazben qamtý siiaqty mańyzdy máseleler bar. Sonyń barlyǵyn iske asyrǵanda birlesip jumys isteýge ázirmiz», - dep atap kórsetti G.Ábdihalyqova.
Aita keteiik, ótken jyly Qazaqstan men Túrikmenstan arasyndaǵy taýar ainalymy 99,3 million dollardy qurady.
