قر مەملەكەتتٸك حاتشىسى گٷلشارا ەبدٸقالىقوۆا تٷرٸكمەنستاننىڭ قازاقستانداعى تٶتەنشە جەنە ٶكٸلەتتٸ ەلشٸسٸ تويلى كٶمەكوۆپەن كەزدەستٸ, دەپ حابارلايدى "ۇلت اقپارات".
كەزدەسۋ كەزٸندە گ.ەبدٸقالىقوۆا ەكٸ ەلدٸڭ اراسىنداعى بايلانىستاردىڭ كٷشەيٸپ كەلە جاتقانىن ايرىقشا اتاپ ٶتتٸ. وعان قازاقستان مەن تٷرٸكمەنستان پرەزيدەنتتەرٸنٸڭ قارىم-قاتىناسى سەرپٸن بەرٸپ وتىر. «ٶتكەن جىلى پرەزيدەنتتەرٸڭٸز قازاقستانعا مەملەكەتتٸك ساپارمەن كەلٸپ كەتتٸ. سول كەزدە ونداعان كەلٸسٸم رەسٸمدەلدٸ. اتالعان قۇجاتتاردىڭ ٸشٸندە ستراتەگييالىق ەرٸپتەستٸك تۋرالى كەلٸسٸم دە بار. ەكٸ ەلدٸڭ باسشىلارى اۋقىمدى ەرٸ باتىل ماقساتتاردى قويدى. اتاپ ايتقاندا, ٶزارا تاۋار اينالىمىن بارىنشا ارتتىرۋ قاجەت. سوندىقتان اتقارىلاتىن جۇمىس كٶپ», - دەدٸ گ.ەبدٸحالىقوۆا.
مەملەكەتتٸك حاتشى ارالدى قۇتقارۋ قورىنىڭ جۇمىسىنا دا توقتالدى. سەبەبٸ اتالعان ۇيىمنىڭ تٶراعالىعى تٷرٸكمەنستان مەملەكەتٸنە تاپسىرىلعان بولاتىن. «وسى ورايدا بٸرقاتار ماڭىزدى جوبالار بار. بٸز ونىڭ بارلىعىن قولداۋعا دايىنبىز. جالپى, بٸز تىعىز قارىم-قاتىناس جاساۋعا مٷددەلٸ بولىپ وتىرمىز. قازٸر بٸزدٸڭ ەلٸمٸزدە ماڭىزدى بٸر كەزەڭ باستالدى. ٷلكەن رەفورمالار قولعا الىنىپ جاتىر. ەكونوميكا جاعىنان دا, ساياسات جاعىنان ٶزگەرٸستەر كٶپ. ەرينە, ەلەۋمەتتٸك سالا دا نازاردان تىس قالمادى. سٸز پرەزيدەنتٸمٸزدٸڭ بەس ەلەۋمەتتٸك باستاماسى جايىندا ەستٸگەن شىعارسىز. ونىڭ ٸشٸندە باسپانامەن قامتۋ, بٸلٸم بەرۋ, شاعىن نەسيەنٸ كٶبەيتۋ, گازبەن قامتۋ سيياقتى ماڭىزدى مەسەلەلەر بار. سونىڭ بارلىعىن ٸسكە اسىرعاندا بٸرلەسٸپ جۇمىس ٸستەۋگە ەزٸرمٸز», - دەپ اتاپ كٶرسەتتٸ گ.ەبدٸحالىقوۆا.
ايتا كەتەيٸك, ٶتكەن جىلى قازاقستان مەن تٷرٸكمەنستان اراسىنداعى تاۋار اينالىمى 99,3 ميلليون دوللاردى قۇرادى.
