Foto: Facebook/Maksim Spotkai
Keshe saitymyzda «Kóp ortada úshtildilik kórinis tapqany qýantady» – Ózge ult ókilderiniń til týraly pikiri qandai?» degen taqyrypta material jariialanǵan bolatyn. Onda memelekettik til men ózge tilderdi meńgerý týraly elimizdegi ózge ult ókilderiniń el aldynda júrgen azamattarymen tildesip kórgen edik. Osy maqalaǵa orai, Senat Apparatynyń basshysy Maksim Spotkai da óz pikirin bildirdi, dep habarlaidy Ult.kz.
Qazaqstanda turyp qazaqsha sóilei almaý – ar-namystyń máselesi ekenin aitqan ol óziniń birneshe tildi meńgergenin jetkizdi.
«Bul jerde Qadyr Myrza Áli aǵamyzdyń áigili óleńi eske túsedi: «Ózge tildiń bárin bil, Óz tilińdi qurmette!» degen óleńiniń máni tereń. Bizdiń elimizde alýan etntstardyń ózara syilastyqta, tolerantty, beibit qatar ómir súrýi – Qazaqstan qoǵamynyń basty bailyǵy. Bizdiń elimizde óz tilinde sóilep jatqan etnos ókilderine tyiym salyp jatqan eshkim joq. Barlyq etnostar óz tilinde sóileýge erki bar, birneshe tilde bilim beretin mektepter bar, gazetter shyǵady.
Birneshe tildi biletin adamdar bizdiń elimizde erekshe qurmetke ie. Ásirese, óz etnosynan ózge tilde sóilei alǵan adamdardy qadyr tutamyz, qurmetteimiz. Kóbinese, kóp til bilgen adam qoǵamda belgili tulǵaǵa ainalady, tanymal bolady, joǵary laýazymǵa ie bolady. Ol baspasózde, teledidar men radioda, áleýmettik jelilerde kórinis taýyp otyr. Bul jastardy, balalardy ózge tilderdi úirenýge yntalandyrady dep esepteimin. Sondyqtan, til úirený árkimniń óz erki bolsa da kóp til bilý – qurmet pen mártebege ie bolý joly. Ońai bolmasa da til bilýge yntalanbaý múmkin emes.
Ózim birneshe tildi jaqsy bilemin. Sondyqtan – ózimizdiń elimizde tildi úireneiik, bileiik, sóileiik. Bul jerde memlekettik tildiń erekshe orny bar ekenin túsiný kerek. Qazaqstanda turyp qazaqsha sóilei almaý – ar-namystyń máselesi. Óz tilinde sóilei almaityn otandastarymyzdy kórgen sheteldikterdiń bári bizdiń jerlesterimizge kúle qaraityny jasyryn emes», – dedi Maksim Spotkai.
Qazaqstanda kópultty qoǵamda tilderdiń qatar qoldanylýy kóńil qýantady. Degenmen, Senat Apparatynyń basshysynyń aitýynsha, ekettik basqarý organdarynda memlekettik tildi qoldanýǵa tiispiz.
«Búgingi tańda Qazaqstan qoǵamy kóp tildi. Ony avtobýsqa otyrsańyz, taksige otyrsańyz, ushaqqa minseńiz anyq kózińiz jetedi. Ushaqtarda áýejailardy úsh tilde jariialaidy. Avtobýstarda aialdamalardy eki tilde aityp turady. Taksi júrgizýshileri tipti taiaý shetel tilderiniń bárine sóilei beredi. Tilderdiń qatar qoldanylýy dep osyny aitar edim.
Al memlekettik basqarý organdarynda memlekettik tildi qoldanýǵa tiispiz. Ol bárimizdiń basty mindetimiz. Memlekettiń basty kórsetkishteriniń biri – til ekenin jaqsy bilemiz. Sondyqtan oǵan esh renjimei, memlekettik tilde sóilep, ony qurmetteý – bárimizdiń paryzymyz», – dedi Maksim Spotkai.
