فوتو: Facebook/ماكسيم سپوتكاي
كەشە سايتىمىزدا «كٶپ ورتادا ٷشتٸلدٸلٸك كٶرٸنٸس تاپقانى قۋانتادى» – ٶزگە ۇلت ٶكٸلدەرٸنٸڭ تٸل تۋرالى پٸكٸرٸ قانداي?» دەگەن تاقىرىپتا ماتەريال جارييالانعان بولاتىن. وندا مەمەلەكەتتٸك تٸل مەن ٶزگە تٸلدەردٸ مەڭگەرۋ تۋرالى ەلٸمٸزدەگٸ ٶزگە ۇلت ٶكٸلدەرٸنٸڭ ەل الدىندا جٷرگەن ازاماتتارىمەن تٸلدەسٸپ كٶرگەن ەدٸك. وسى ماقالاعا وراي, سەنات اپپاراتىنىڭ باسشىسى ماكسيم سپوتكاي دا ٶز پٸكٸرٸن بٸلدٸردٸ, دەپ حابارلايدى Ult.kz.
قازاقستاندا تۇرىپ قازاقشا سٶيلەي الماۋ – ار-نامىستىڭ مەسەلەسٸ ەكەنٸن ايتقان ول ٶزٸنٸڭ بٸرنەشە تٸلدٸ مەڭگەرگەنٸن جەتكٸزدٸ.
«بۇل جەردە قادىر مىرزا ەلٸ اعامىزدىڭ ەيگٸلٸ ٶلەڭٸ ەسكە تٷسەدٸ: «ٶزگە تٸلدٸڭ بەرٸن بٸل, ٶز تٸلٸڭدٸ قۇرمەتتە!» دەگەن ٶلەڭٸنٸڭ مەنٸ تەرەڭ. بٸزدٸڭ ەلٸمٸزدە الۋان ەتنتستاردىڭ ٶزارا سىيلاستىقتا, تولەرانتتى, بەيبٸت قاتار ٶمٸر سٷرۋٸ – قازاقستان قوعامىنىڭ باستى بايلىعى. بٸزدٸڭ ەلٸمٸزدە ٶز تٸلٸندە سٶيلەپ جاتقان ەتنوس ٶكٸلدەرٸنە تىيىم سالىپ جاتقان ەشكٸم جوق. بارلىق ەتنوستار ٶز تٸلٸندە سٶيلەۋگە ەركٸ بار, بٸرنەشە تٸلدە بٸلٸم بەرەتٸن مەكتەپتەر بار, گازەتتەر شىعادى.
بٸرنەشە تٸلدٸ بٸلەتٸن ادامدار بٸزدٸڭ ەلٸمٸزدە ەرەكشە قۇرمەتكە يە. ەسٸرەسە, ٶز ەتنوسىنان ٶزگە تٸلدە سٶيلەي العان ادامداردى قادىر تۇتامىز, قۇرمەتتەيمٸز. كٶبٸنەسە, كٶپ تٸل بٸلگەن ادام قوعامدا بەلگٸلٸ تۇلعاعا اينالادى, تانىمال بولادى, جوعارى لاۋازىمعا يە بولادى. ول باسپاسٶزدە, تەلەديدار مەن راديودا, ەلەۋمەتتٸك جەلٸلەردە كٶرٸنٸس تاۋىپ وتىر. بۇل جاستاردى, بالالاردى ٶزگە تٸلدەردٸ ٷيرەنۋگە ىنتالاندىرادى دەپ ەسەپتەيمٸن. سوندىقتان, تٸل ٷيرەنۋ ەركٸمنٸڭ ٶز ەركٸ بولسا دا كٶپ تٸل بٸلۋ – قۇرمەت پەن مەرتەبەگە يە بولۋ جولى. وڭاي بولماسا دا تٸل بٸلۋگە ىنتالانباۋ مٷمكٸن ەمەس.
ٶزٸم بٸرنەشە تٸلدٸ جاقسى بٸلەمٸن. سوندىقتان – ٶزٸمٸزدٸڭ ەلٸمٸزدە تٸلدٸ ٷيرەنەيٸك, بٸلەيٸك, سٶيلەيٸك. بۇل جەردە مەملەكەتتٸك تٸلدٸڭ ەرەكشە ورنى بار ەكەنٸن تٷسٸنۋ كەرەك. قازاقستاندا تۇرىپ قازاقشا سٶيلەي الماۋ – ار-نامىستىڭ مەسەلەسٸ. ٶز تٸلٸندە سٶيلەي المايتىن وتانداستارىمىزدى كٶرگەن شەتەلدٸكتەردٸڭ بەرٸ بٸزدٸڭ جەرلەستەرٸمٸزگە كٷلە قارايتىنى جاسىرىن ەمەس», – دەدٸ ماكسيم سپوتكاي.
قازاقستاندا كٶپۇلتتى قوعامدا تٸلدەردٸڭ قاتار قولدانىلۋى كٶڭٸل قۋانتادى. دەگەنمەن, سەنات اپپاراتىنىڭ باسشىسىنىڭ ايتۋىنشا, ەكەتتٸك باسقارۋ ورگاندارىندا مەملەكەتتٸك تٸلدٸ قولدانۋعا تيٸسپٸز.
«بٷگٸنگٸ تاڭدا قازاقستان قوعامى كٶپ تٸلدٸ. ونى اۆتوبۋسقا وتىرساڭىز, تاكسيگە وتىرساڭىز, ۇشاققا مٸنسەڭٸز انىق كٶزٸڭٸز جەتەدٸ. ۇشاقتاردا ەۋەجايلاردى ٷش تٸلدە جارييالايدى. اۆتوبۋستاردا ايالدامالاردى ەكٸ تٸلدە ايتىپ تۇرادى. تاكسي جٷرگٸزۋشٸلەرٸ تٸپتٸ تاياۋ شەتەل تٸلدەرٸنٸڭ بەرٸنە سٶيلەي بەرەدٸ. تٸلدەردٸڭ قاتار قولدانىلۋى دەپ وسىنى ايتار ەدٸم.
ال مەملەكەتتٸك باسقارۋ ورگاندارىندا مەملەكەتتٸك تٸلدٸ قولدانۋعا تيٸسپٸز. ول بەرٸمٸزدٸڭ باستى مٸندەتٸمٸز. مەملەكەتتٸڭ باستى كٶرسەتكٸشتەرٸنٸڭ بٸرٸ – تٸل ەكەنٸن جاقسى بٸلەمٸز. سوندىقتان وعان ەش رەنجٸمەي, مەملەكەتتٸك تٸلدە سٶيلەپ, ونى قۇرمەتتەۋ – بەرٸمٸزدٸڭ پارىزىمىز», – دەدٸ ماكسيم سپوتكاي.
