تانىمال ەنشٸ Argonya العاش رەت سۇحبات بەرٸپ, قايرات نۇرتاستىڭ استانادا ٶتكەن كونتسەرتٸندە بولعان جاعدايعا قاتىستى پٸكٸر بٸلدٸردٸ. ٶنەر يەسٸ ەلەۋمەتتٸك جەلٸدە ٶزٸنە باعىتتالعان سىنعا جاۋاپ بەرٸپ, سول كٷنٸ ساحناعا قانداي جاعدايدا شىققانىن ايتتى, دەپ حابارلايدى ult.kz.

ەنشٸنٸڭ سٶزٸنشە, كونتسەرت كٷنٸ دەنساۋلىعى سىر بەرٸپ, دەنە قىزۋى كٶتەرٸلگەن. سوعان قاراماستان, كٶرەرمەن الدىنداعى مٸندەتٸن ورىنداۋ ٷشٸن ساحناعا شىعۋعا شەشٸم قابىلداعان.

“سول كونتسەرتكە بٸز شىنىمەن قاتتى اۋىرىپ باردىق. مەن قاتتى اۋىرىپ باردىم. دەنە قىزۋىم كٶتەرٸلٸپ تۇردى. شىنىمدى ايتاتىن اداممىن. اۋىرىپ تۇرعاننان كەيٸن 100 گرامم تارتىپ جٸبەردٸم. قاتتى كٶرٸنٸپ قالدى دەپ ويلايمىن. تەنتٸرەپ تۇرعان جوقپىز عوي. باسىم, قۇلاعىم بارلىعى دىڭىلداپ تۇردى”, – دەدٸ ەنشٸ.

Argonya ٶزٸن جايسىز سەزٸنگەنٸمەن, كونتسەرتكە قاتىسۋدان باس تارتا الماعانىن جەتكٸزدٸ. ٶيتكەنٸ كٶرەرمەندەرگە ونىڭ ٶنەر كٶرسەتەتٸنٸ الدىن الا حابارلانعان.

“تىرىسىپ جاتىرسىڭ, بيلەپ جاتىرسىڭ, بٸراق دەنساۋلىق قوي. ٸشتەي شارشاپ تۇرسىڭ, بٸراق سەنٸ كەلەدٸ دەپ ايتىپ قويعان. قالاي سەن “جوق, بارمايمىن” دەيسٸڭ? اللاعا شٷكٸر, جاندى داۋىستا ايتىپ شىقتىق”, – دەپ تٷسٸندٸردٸ ول.

سونىمەن قاتار ٶنەر يەسٸ ساحناداعى ٶنەرٸنە قاتىستى جاعىمسىز پٸكٸرلەرگە دە توقتالدى. ونىڭ ايتۋىنشا, كونتسەرت كەزٸندە تەحنيكالىق قولايسىزدىقتار دا بولعان.

“ال حەيتەرلەر بۇرىن دا بولعان, قازٸر دە بار. مەن قۇلاققاپسىز بولدىم. سول دا ەسەر ەتەدٸ. ستاديوننىڭ جاڭعىرىعى دا ٶزٸڭە قايتىپ كەلٸپ ەستٸلەدٸ”, – دەدٸ Argonya.

وسىلايشا, ەنشٸ كونتسەرت كەزٸندەگٸ ەرەكەتٸ مەن ٶنەر كٶرسەتۋ ساپاسىنا دەنساۋلىعىنىڭ ناشارلاۋى جەنە ساحناداعى دىبىس ەرەكشەلٸكتەرٸ ەسەر ەتكەنٸن جەتكٸزدٸ.

ايتا كەتەيٸك, قايرات نۇرتاستىڭ كونتسەرتٸنە كەلۋشٸلەر 18 جاستاعى قىزدى تاپتاپ كەتكەن.

Argonya كٸم?

Argonya (ارعىن اۋساروۆ) – قازاقستاندىق ەنشٸ, كومپوزيتور, ەندەردٸڭ سٶزٸن جازاتىن اۆتور. ول پاۆلودار وبلىسىنىڭ ەكٸباستۇز قالاسىندا دٷنيەگە كەلگەن. ٶنەر يەسٸ قازاق ەستراداسىندا ەرەكشە مۋزىكالىق باعىتىمەن جەنە ٶزٸندٸك ورىنداۋ مەنەرٸمەن تانىلعان.

Argonya 2019 جىلدان باستاپ كٶپشٸلٸككە كەڭٸنەن تانىلا باستادى. ونىڭ “تٷن”, “قاس-قاباق”, “بٷيتۋ كەرەك ەدٸ”, “قالامايمىن”, “سوعان قاراپ” جەنە “سەنٸ سٷيەم” ەندەرٸ تىڭدارمان اراسىندا تانىمال بولدى. ەنشٸ شىعارمالارىنىڭ سٶزٸ مەن ەۋەنٸن ٶزٸ جازىپ, مۋزىكالىق ٶڭدەۋ جۇمىستارىنا دا قاتىسادى.

ٶنەر يەسٸ قايرات نۇرتاس, تٶرەعالي تٶرەەلٸ, ايقىن تٶلەپبەرگەن جەنە باسقا دا قازاقستاندىق ورىنداۋشىلارمەن بٸرلەسٸپ ەن شىعارعان. ەسٸرەسە قايرات نۇرتاسپەن ورىنداعان “ماسكٷنەم” ەنٸ ٷلكەن تانىمالدىققا يە بولدى. بۇل تۋىندى YouTube جەلٸسٸندە ميلليونداعان قارالىم جيناعان.

Argonya شىعارماشىلىق جولىن باستاعان كەزدە اسابالىقپەن دە اينالىسقان. كەيٸن جەكە ەندەرٸن شىعارىپ, كەسٸبي مۋزىكا سالاسىنا دەن قويعان. ول سۇحباتتارىنىڭ بٸرٸندە ەن جازعاندا مەتٸننٸڭ ماعىناسىنا, ەۋەننٸڭ ەرەكشەلٸگٸنە جەنە تىڭدارماننىڭ قابىلداۋىنا ەرەكشە مەن بەرەتٸنٸن ايتقان.

ەنشٸنٸڭ اناسى سايا قۇدايبەرگەنقىزى ونىڭ پروديۋسەرٸ رەتٸندە شىعارماشىلىق جۇمىستارىن ۇيىمداستىرۋعا كٶمەكتەسەدٸ. Argonya بٸرنەشە جىل بويى قازاق ەستراداسىندا ەنشٸ ەرٸ اۆتور رەتٸندە ەڭبەك ەتٸپ كەلەدٸ.