Bas prokýrordyń orynbasary Marat Ahmetjanov Jezqazǵandaǵy "Qazaqmys" korporatsiiasynyń kásipornynda bolǵan qaiǵyly oqiǵaǵa qatysty túsinikteme berdi, - dep habarlaidy Sputnik Qazaqstan.
"Qylmystyq is qozǵaldy. Tergeý amaldary júrip jatyr. "Qasaqana adam óltirýge oqtaldy" degen bap boiynsha. Istiń qupiiasy, basqa da málimetter bar, ábden anyqtalǵansha, tolyq eshteńe aita almaimyz", - dedi Ahmetjanov májilis kýlýarynda.
Jýrnalister odan eger aiypty adam óz-ózine qol jumsap, kóz jumsa, kiná kimge taǵylatynyn surady.
"Ol jaǵdaida kúdiktiniń bolmaýyna bailanysty is qysqartylady", - dedi ol.
Aitýynsha, qazir is boiynsha protsessýaldy prokýror taǵaiyndalǵan, is sonyń baqylaýynda.
Eske salaiyq, Jezqazǵandaǵy oqiǵa 21 qańtar kúni keshki saǵat altyda boldy. "Qazaqmys" korporatsiiasy" JShS bas direktory Amangeldi Miniǵulov pen "Kásip qorǵan" kásipodaǵynyń tóraǵasy Toǵyzbai Tájbenov arasynda janjal shyqqan. Tájbenov Miniǵulovtyń arqasyna pyshaq suǵyp alǵan.
Sondai-aq, arasha túsken "Qazaqmys" korporatsiiasynyń qyzmetkeri Sabyrjan Tembaev ta jaralandy. Ekeýi de qazir aýrýhanada jatyr.
Al Tájbenov oqiǵa ornynda ózine qol salyp, kóz jumǵan.
