باس پروكۋروردىڭ ورىنباسارى مارات احمەتجانوۆ جەزقازعانداعى "قازاقمىس" كورپوراتسيياسىنىڭ كەسٸپورنىندا بولعان قايعىلى وقيعاعا قاتىستى تٷسٸنٸكتەمە بەردٸ, - دەپ حابارلايدى Sputnik قازاقستان.
"قىلمىستىق ٸس قوزعالدى. تەرگەۋ امالدارى جٷرٸپ جاتىر. "قاساقانا ادام ٶلتٸرۋگە وقتالدى" دەگەن باپ بويىنشا. ٸستٸڭ قۇپيياسى, باسقا دا مەلٸمەتتەر بار, ەبدەن انىقتالعانشا, تولىق ەشتەڭە ايتا المايمىز", - دەدٸ احمەتجانوۆ مەجٸلٸس كۋلۋارىندا.
جۋرناليستەر ودان ەگەر ايىپتى ادام ٶز-ٶزٸنە قول جۇمساپ, كٶز جۇمسا, كٸنە كٸمگە تاعىلاتىنىن سۇرادى.
"ول جاعدايدا كٷدٸكتٸنٸڭ بولماۋىنا بايلانىستى ٸس قىسقارتىلادى", - دەدٸ ول.
ايتۋىنشا, قازٸر ٸس بويىنشا پروتسەسسۋالدى پروكۋرور تاعايىندالعان, ٸس سونىڭ باقىلاۋىندا.
ەسكە سالايىق, جەزقازعانداعى وقيعا 21 قاڭتار كٷنٸ كەشكٸ ساعات التىدا بولدى. "قازاقمىس" كورپوراتسيياسى" جشس باس ديرەكتورى امانگەلدٸ مٸنٸعۇلوۆ پەن "كەسٸپ قورعان" كەسٸپوداعىنىڭ تٶراعاسى توعىزباي تەجبەنوۆ اراسىندا جانجال شىققان. تەجبەنوۆ مٸنٸعۇلوۆتىڭ ارقاسىنا پىشاق سۇعىپ العان.
سونداي-اق, اراشا تٷسكەن "قازاقمىس" كورپوراتسيياسىنىڭ قىزمەتكەرٸ سابىرجان تەمباەۆ تا جارالاندى. ەكەۋٸ دە قازٸر اۋرۋحانادا جاتىر.
ال تەجبەنوۆ وقيعا ورنىندا ٶزٸنە قول سالىپ, كٶز جۇمعان.
