«Kazakh Tourism» UK» AQ tóraǵasy Erjan Erkinbaev týristik salaǵa jaýapty kompaniia ishki týrizm úshin jumsalatyn shyǵyndy qaita qaraǵanyn málim etti, dep habarlaidy QazAqparat.
«Koronavirýs pandemiiasynyń týristik salaǵa jahandyq yqpalyn eskere otyryp, eldiń týristik áleýetin shetelge tanytýdy maqsat tutqan «Kazakh Tourism» ulttyq kompaniiasy óz jumysyn, ishki týrizm úshin jumsalatyn shyǵyndy qaita qarady. 2019 jylǵa qaraǵanda biyl kompaniianyń biýdjeti 56%-ǵa, al kompaniiadaǵy shtat sany 20%-ǵa qysqartyldy. Óndiristik shyǵyndardyń bári de ońtailandyryldy», - dedi Erjan Erkinbaev OKQ-da ótken baspasóz máslihatynda.
Onyń aitýynsha, týristik sala qazirgi ýaqytta aýqymdy daǵdarysty bastan ótkerip jatyr.
«Ekinshi jaǵynan bul týristik ónimderdi arttyryp, jergilikti oryndarda servisti túzeýde taptyrmas múmkindik. Memleket pen biznes qazirgi ýaqytta uzaq ýaqyt boiy qoldaý taba almai kelgen máselelerdi sheshýge kiristi. Eń birinshi kezekte bul – qyzmet sapasy, sanatoriilik-kýrorttyq demalys, ekologiialyq, etnografiialyq, agrarlyq máseleler, mototýrizm, balalar men jastar týrizmi», - dedi ol.
