«Qazaqfilm» kinostýdiiasynyń prezidenti Arman Ásenov Ispaniianyń Barselona qalasynda ótken Asian Film Festival kinofestivalinde otandyq týyndylar júldeli orynǵa ie bolǵanyn málimdedi, dep habarlaidy "Ult aqparat" Qazaqfilm baspasóz qyzmetine silteme jasap.
Arman Ásenovtyń málimetinshe, Ispaniianyń Barselona qalasynda ótken Asian Film Festival kinofestivalinde «Qyz ben teńiz» kinosy «Úzdik film» júldesimen marapattaldy.
«Qyz ben teńiz» filminde BTsP-men aýyratyn Ásel esimdi boijetkenniń ómiri baiandalady. Onyń bar armany – mahabbatyn kezdestirip, otbasyn qurý. «Arman alǵa jeteleidi» demekshi, Ásel barlyq qiyndyqtarǵa tótep berip, jaqsylyqtan úmit úzbeidi.
Bul kinotýyndy biyl Londonda ótken Romford film festival festivalinde «Úzdik áiel adamnyń róli» (Dinara Sháripova) júldesimen, Bashqurtstanda ótken IV «Qúmis aqbozat» festivalinde «Áleýmettik jáne motivatsiialyq kino» nominatsiiasy boiynsha qoǵam qairatkeri Karine Habirovanyń arnaiy júldesimen jáne Bashqurtstan Respýblikasynyń Otbasy jáne eńbek ministrligi atynan «Armandardyń oryndalýy» arnaiy syilyǵymen (akter Tahir Ýmarovqa tabystaldy) marapattalǵan bolatyn.
Sondai-aq osy festivalge qatysqan «Arýaq» kartinasy (rejisseri Hýat Ahmetov) da «Erekshe» baǵdarlamasynda «Úzdik stsenarii» júldesine qol jetkizdi.
«Arýaq» filmi eki keiipkerdiń – Aǵatai qart pen jetim balanyń kezdeisoq ushyrasýy týraly baiandaidy. Qazaq kinosynyń metri, SSSR halyq artisi Asanáli Áshimov osy filmde somdaǵan róli úshin biyl Anapa qalasynda ótken «Kinoshok» kinofestivalinde úzdik er adam róli júldesimen marapattaldy.
Sonymen qatar, Asian Film Festival festivaline «Qazafilm» kinostýdiiasy túsirgen «Shyńyraý» (rej. Jańabek Jetirýov, «Satash» (rej. Tólegen Baitókenov) jáne «Na grani» (rej. Aldiiar Bairákimov) qatysty.
Biyl jetinshi ret uiymdastyrylyp otyrǵan ispaniialyq festivalde Aziiadaǵy 25 eldiń 100-ge jýyq filmderi kórsetildi.
