"Qazaqfilm" kinostýdiiasy, Petropavl men Shymkenttegi áýejai jekshelendirý tiziminen alyp tastalmaq. Qaýly jobasy "Ashyq NQA" portalynda jariialandy, – dep habarlaidy "Ult aqparat".
Jekeshelendiriletin respýblika menshigindegi uiymdar tiziminen kelesilerdi alyp tastaý usynylady:
Sháken Aimanov atyndaǵy "Qazaqfilm" aktsionerlik qoǵamy;
"Petropavl qalasynyń halyqaralyq áýejaiy" aktsionerlik qoǵamy;
"Shymkent áýejaiy" aktsionerlik qoǵamy;
"Áskeri qurylys" aktsionerlik qoǵamy.
Buǵan qosa, tizimnen "Ordabasy" fýtbol klýby men "Astana Tazalyq" jaýapkershiligi shekteýli seriktestigin alyp tastaý josparlanyp otyr.
Jekeshelendirilmeitin nysandar qatarynda "Iadrolyq tehnologiialar parki" aktsionerlik qoǵamy jáne "Qazsportinvest" aktsionerlik qoǵamy da bar.
2018 jyldyń qańtarynda májilis depýtaty Qýanysh Sultanov "Qazaqfilmdi" jekeshelendirýge qarsy shyqty.
"Eger kinostýdiia jekemenshikke ótse, el otandyq kinodan aiyrylady", dedi ol.
Arystanbek Muhamediuly Mádeniet jáne sport ministri bolǵan kezde "kinostýdiia shamamen 4-5 jyl buryn jekeshelendiriletin nysandar tizimine qosylǵanyn, biraq aktsiialardy eshkim satyp alǵysy kelmegenin" aitty.
Sháken Aimanov atyndaǵy "Qazaqfilm" AQ – túrli filmder óndirisimen ainalysatyn Qazaqstannyń basty kinoalańy.
Kinostýdiia negizi 1934 jyly Alma-Ata kinohronika stýdiiasy retinde qalandy, 1936 jyly alǵashqy derekti filmder túsirildi.
