"قازاقفيلم" كينوستۋديياسى, پەتروپاۆل مەن شىمكەنتتەگٸ ەۋەجاي جەكشەلەندٸرۋ تٸزٸمٸنەن الىپ تاستالماق. قاۋلى جوباسى "اشىق نقا" پورتالىندا جارييالاندى, – دەپ حابارلايدى "ۇلت اقپارات".
جەكەشەلەندٸرٸلەتٸن رەسپۋبليكا مەنشٸگٸندەگٸ ۇيىمدار تٸزٸمٸنەن كەلەسٸلەردٸ الىپ تاستاۋ ۇسىنىلادى:
شەكەن ايمانوۆ اتىنداعى "قازاقفيلم" اكتسيونەرلٸك قوعامى;
"پەتروپاۆل قالاسىنىڭ حالىقارالىق ەۋەجايى" اكتسيونەرلٸك قوعامى;
"شىمكەنت ەۋەجايى" اكتسيونەرلٸك قوعامى;
"ەسكەري قۇرىلىس" اكتسيونەرلٸك قوعامى.
بۇعان قوسا, تٸزٸمنەن "ورداباسى" فۋتبول كلۋبى مەن "استانا تازالىق" جاۋاپكەرشٸلٸگٸ شەكتەۋلٸ سەرٸكتەستٸگٸن الىپ تاستاۋ جوسپارلانىپ وتىر.
جەكەشەلەندٸرٸلمەيتٸن نىساندار قاتارىندا "يادرولىق تەحنولوگييالار پاركٸ" اكتسيونەرلٸك قوعامى جەنە "قازسپورتينۆەست" اكتسيونەرلٸك قوعامى دا بار.
2018 جىلدىڭ قاڭتارىندا مەجٸلٸس دەپۋتاتى قۋانىش سۇلتانوۆ "قازاقفيلمدٸ" جەكەشەلەندٸرۋگە قارسى شىقتى.
"ەگەر كينوستۋدييا جەكەمەنشٸككە ٶتسە, ەل وتاندىق كينودان ايىرىلادى", دەدٸ ول.
ارىستانبەك مۇحامەديۇلى مەدەنيەت جەنە سپورت مينيسترٸ بولعان كەزدە "كينوستۋدييا شامامەن 4-5 جىل بۇرىن جەكەشەلەندٸرٸلەتٸن نىساندار تٸزٸمٸنە قوسىلعانىن, بٸراق اكتسييالاردى ەشكٸم ساتىپ العىسى كەلمەگەنٸن" ايتتى.
شەكەن ايمانوۆ اتىنداعى "قازاقفيلم" اق – تٷرلٸ فيلمدەر ٶندٸرٸسٸمەن اينالىساتىن قازاقستاننىڭ باستى كينوالاڭى.
كينوستۋدييا نەگٸزٸ 1934 جىلى الما-اتا كينوحرونيكا ستۋديياسى رەتٸندە قالاندى, 1936 جىلى العاشقى دەرەكتٸ فيلمدەر تٷسٸرٸلدٸ.
