"Qazaqavtojoldyń" Qaraǵandy oblystyq filialynyń direktory jáne orynbasary 17 million teńge paramen ustalyp, eki aiǵa qamaýǵa alyndy, - dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosynyń baspasóz qyzmetine silteme jasap.
"Sybailas jemqorlyqqa qarsy is-qimyl agenttiginiń Qaraǵandy oblysy boiynsha departamenti "Akjol DS" JShS ókilderi M.Ybyshev men B.Jaqparovtan 17 million teńge kóleminde para alǵan "Qazaqavtojoldyń" Qaraǵandy oblysy boiynsha filialynyń direktory Ǵ.Muqanov pen onyń orynbasary E.Otarovty ustady", - delingen habarlamada.
Aqshalai qarajat Qyzylorda-Qaraǵandy-Pavlodar avtojolynyń jumysy boiynsha atqarylǵan jumystar aktisine kedergisiz qol qoiǵany úshin berilgeni aitylady habarlamada.
5 qyrkúiekte M.Ybyshev, B.Jaqparov, N.Muqanov, E.Otarov QR QPK-niń 128-babynyń tártibinde ustalyp, Qaraǵandy qalalyq IID-niń ýaqytsha ustaý izoliatoryna qamaldy.
Ǵadyl Muqanov pen onyń orynbasary Erjan Otarov 2017 jyldyń 15 qarashasyna deiin qamaýda bolady. Sondai-aq, Erjan Otarovqa qatysty QR Qylmystyq kodeksiniń 218-babynyń 3-bóligi 1-tarmaǵy boiynsha ("Qylmystyq jolmen alynǵan aqshany jáne (nemese)ózge múlikti zańdastyrý (jylystatý)") tergeý júrgizilip jatyr.
Conymen qatar, Qazybek bi aýdandyq sotynyń sheshimimen "Akjol DS" JShS ókilderi M.Ybyshev men B.Jaqparov ta eki aiǵa qamaýǵa alyndy. Olarǵa qatysty QR Qylmystyq kodeksiniń 367-babynyń 3-bóligi 1,2-tarmaǵy boiynsha ("Para berý") tergeý júrgizilip jatyr.
