"قازاقاۆتوجولدىڭ" قاراعاندى وبلىستىق فيليالىنىڭ ديرەكتورى جەنە ورىنباسارى 17 ميلليون تەڭگە پارامەن ۇستالىپ, ەكٸ ايعا قاماۋعا الىندى, - دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ باسپاسٶز قىزمەتٸنە سٸلتەمە جاساپ.
"سىبايلاس جەمقورلىققا قارسى ٸس-قيمىل اگەنتتٸگٸنٸڭ قاراعاندى وبلىسى بويىنشا دەپارتامەنتٸ "اكجول دس" جشس ٶكٸلدەرٸ م.ىبىشەۆ مەن ب.جاقپاروۆتان 17 ميلليون تەڭگە كٶلەمٸندە پارا العان "قازاقاۆتوجولدىڭ" قاراعاندى وبلىسى بويىنشا فيليالىنىڭ ديرەكتورى ع.مۇقانوۆ پەن ونىڭ ورىنباسارى ە.وتاروۆتى ۇستادى", - دەلٸنگەن حابارلامادا.
اقشالاي قاراجات قىزىلوردا-قاراعاندى-پاۆلودار اۆتوجولىنىڭ جۇمىسى بويىنشا اتقارىلعان جۇمىستار اكتٸسٸنە كەدەرگٸسٸز قول قويعانى ٷشٸن بەرٸلگەنٸ ايتىلادى حابارلامادا.
5 قىركٷيەكتە م.ىبىشەۆ, ب.جاقپاروۆ, ن.مۇقانوۆ, ە.وتاروۆ قر قپك-نٸڭ 128-بابىنىڭ تەرتٸبٸندە ۇستالىپ, قاراعاندى قالالىق ٸٸد-نٸڭ ۋاقىتشا ۇستاۋ يزولياتورىنا قامالدى.
عادىل مۇقانوۆ پەن ونىڭ ورىنباسارى ەرجان وتاروۆ 2017 جىلدىڭ 15 قاراشاسىنا دەيٸن قاماۋدا بولادى. سونداي-اق, ەرجان وتاروۆقا قاتىستى قر قىلمىستىق كودەكسٸنٸڭ 218-بابىنىڭ 3-بٶلٸگٸ 1-تارماعى بويىنشا ("قىلمىستىق جولمەن الىنعان اقشانى جەنە (نەمەسە)ٶزگە مٷلٸكتٸ زاڭداستىرۋ (جىلىستاتۋ)") تەرگەۋ جٷرگٸزٸلٸپ جاتىر.
Cونىمەن قاتار, قازىبەك بي اۋداندىق سوتىنىڭ شەشٸمٸمەن "اكجول دس" جشس ٶكٸلدەرٸ م.ىبىشەۆ مەن ب.جاقپاروۆ تا ەكٸ ايعا قاماۋعا الىندى. ولارعا قاتىستى قر قىلمىستىق كودەكسٸنٸڭ 367-بابىنىڭ 3-بٶلٸگٸ 1,2-تارماعى بويىنشا ("پارا بەرۋ") تەرگەۋ جٷرگٸزٸلٸپ جاتىر.
