Qytaida bilim alyp jatqan qazaqstandyq stýdent 8 jyl boiy 5 litr qan tapsyrǵan, dep jazady Ult.kz tilshisi QazAqparat agenttigine silteme jasap.
Qytai ortalyq televiziiasynyń habarlaýynsha, 2009 jyly 17 jasynda sol elge joǵary bilim alýǵa kelgen Rýslan jylyna eki ret qan berýdi ádetke ainaldyrǵan. Qytai ótkizgen 8 jylynda ol jalpy 5 litr kólemde qan tapsyryp úlgergen, al qany teris rezýs-faktorly (Rh) qytailyqtardyń sany nebári 1-3% -dy quraidy eken.
Rýslan osyndai sirek kezdesetin qan donory bolǵanda kez kelgen ýaqytta kómek beretin aityp, áleýmettik jelilerde jáne qan ortalyqtaryna telefon nómerin qaldyryp otyrǵan.
Aita keterligi, QHR Memleket basshysy Si Tszinpin 2013 jyly 23 naýryz Máskeý halyqaralyq qatynastar institýtynda Rýslannyń izgi isteri týraly aityp bergen bolatyn.
Qazaqstandyq stýdent qytailyq basylymdarǵa bergen suhbatynda adamdarǵa kómekteskende ózin baqytty sezinetinin jetkizgen.
