Əleýmettik jelide Oǵyz Doǵan baýyrymyzdyń ana tilimizge bailanysty qadamdary ər-túrli pikir týǵyzdy.
Keibir azamattar memlekettik til məselesin taǵy san-saqqa júgirtip jatyr.
Memlekettik til óziniń zańdy statýsyna qol jetpei, elimizde əleýmettik-rýhani damý bolmaidy, ol anyq.
Al qazaq tiliniń zańdy statýsyna is júzinde jetý úshin ne isteý qajet?
Birinshi, balabaqshalar tek memlekettik tilge kóshirilýi qajet.
Ekinshi, elimizdegi aralas mektepterdi birtindep ana tilimizge kóshirý ózekti. Tórtinshi synypqa deiin tek qazaq tilinde baǵdarlama jasap, tórtinshi synyptan bastap basqa tilderdi de oqytýǵa bolady. Joǵarǵy synyptarda keibir pənderdi aǵylshyn, orys tilderinde júrgizýge bolady.
Úshinshi, halyqqa qyzmet etetin uiymdarda qyzmet qazaq jəne basqa tilderde jasalýy zań júzinde qarastyrylýy kerek.
Tórtinshi, memlekettik til jónindegi inspektsiia uiymdastyrylyp, zańdy tulǵalardyń memlekettik tildi damytý məselesin baqylap otyrýy qajet.
Eń negizgisi, memlekettik til jónindegi zań qaita qaralyp, osy pýnktter enýi kerek.
Búginde, qoǵamnyń ana tiline degen suranysy joǵary jəne óse beredi.
Bul búgingi kúnniń ózekti məselesi.
Oǵyz Doǵan jalǵyz emes, ana tiliniń damýy jastardyń, orta býyn ókilderiniń muń-mutajy.
Sondyqtan, bul məseleniń ózektiligi arta beredi.
Osy kún tərtibine zaiyrly jaýap izdeý kerek.
Bul anyq...
Erlan Sairovtyń feisbýktaǵy jazbasynan
