Qazaq tilindegi ǵylymi ádebietterdiń qory myńǵa jetýi kerek. Bul týraly «Qazaq tilindegi 100 jańa oqýlyq: pragmatizm men sananyń ashyqtyǵyna aparar jol» taqyrybynda ótken onlain konferentsiiada aityldy, dep habarlaidy QazAqparat.
«Ozyq bilim bergisi keletin ýniversitetter ǵylymi mazmunnyń, ǵylymi kontenttiń, ǵylymi ádebiettiń, ǵylymi oqýlyqtyń bolýyna múddeli. Eger ult tilinde ǵylymi ádebiet qory qalyptasatyn bolsa - qazaq tiliniń ǵylym salasyndaǵy qoldanysy keńeiedi», - deidi Filologiia ǵylymdarynyń doktory, professor, QR Ulttyq ǵylym akademiiasynyń korrespondent múshesi Sherýbai Qurmanbaiuly.
Onyń aitýynsha, ǵylymi ádebietti shet tilinen aýdarýdyń mańyzy óte joǵary.
«Qazaq tilindegi ǵylymi ádebietterdiń qory 100 ǵana kitappen shektelmeýi kerek. Bolashaqta onyń sany júzdegen, myńdaǵan kitap bolýy kerek, sonda ǵana qazaq tildi kez kelgen oqyrman, kez kelgen tutynýshy meditsina, himiia, biologiia, óner, kino salasyna qatysty bilimdi óz ana tilinde alýǵa múmkindik týady», - deidi ol.
.jpeg)