قازاق تٸلٸندەگٸ عىلىمي ەدەبيەتتەردٸڭ قورى مىڭعا جەتۋٸ كەرەك. بۇل تۋرالى «قازاق تٸلٸندەگٸ 100 جاڭا وقۋلىق: پراگماتيزم مەن سانانىڭ اشىقتىعىنا اپارار جول» تاقىرىبىندا ٶتكەن ونلاين كونفەرەنتسييادا ايتىلدى, دەپ حابارلايدى قازاقپارات.
«وزىق بٸلٸم بەرگٸسٸ كەلەتٸن ۋنيۆەرسيتەتتەر عىلىمي مازمۇننىڭ, عىلىمي كونتەنتتٸڭ, عىلىمي ەدەبيەتتٸڭ, عىلىمي وقۋلىقتىڭ بولۋىنا مٷددەلٸ. ەگەر ۇلت تٸلٸندە عىلىمي ەدەبيەت قورى قالىپتاساتىن بولسا - قازاق تٸلٸنٸڭ عىلىم سالاسىنداعى قولدانىسى كەڭەيەدٸ», - دەيدٸ فيلولوگييا عىلىمدارىنىڭ دوكتورى, پروفەسسور, قر ۇلتتىق عىلىم اكادەميياسىنىڭ كوررەسپوندەنت مٷشەسٸ شەرۋباي قۇرمانبايۇلى.
ونىڭ ايتۋىنشا, عىلىمي ەدەبيەتتٸ شەت تٸلٸنەن اۋدارۋدىڭ ماڭىزى ٶتە جوعارى.
«قازاق تٸلٸندەگٸ عىلىمي ەدەبيەتتەردٸڭ قورى 100 عانا كٸتاپپەن شەكتەلمەۋٸ كەرەك. بولاشاقتا ونىڭ سانى جٷزدەگەن, مىڭداعان كٸتاپ بولۋى كەرەك, سوندا عانا قازاق تٸلدٸ كەز كەلگەن وقىرمان, كەز كەلگەن تۇتىنۋشى مەديتسينا, حيمييا, بيولوگييا, ٶنەر, كينو سالاسىنا قاتىستى بٸلٸمدٸ ٶز انا تٸلٸندە الۋعا مٷمكٸندٸك تۋادى», - دەيدٸ ول.
.jpeg)