Foto: Uiymdastyrýshylardan
2025 jylǵy 5 qyrkúiekte Halyqaralyq «Qazaq tili» qoǵamynyń uiymdastyrýymen Astana qalasyndaǵy Nazarbaev ýniversitetinde Qazaqstan halqy tilderi kúni men ult ustazy Ahmet Baitursynulynyń týǵan kúnine arnalǵan «Qazaq tili – ǵylym men tehnologiia tili» taqyrybynda respýblikalyq konferentsiia ótti, dep habarlaidy Ult.kz.
Konferentsiiaǵa Qazaqstan Respýblikasy Úkimet músheleri, belgili ǵalymdar men sarapshy mamandar qatysty. Elimizdiń barlyq óńirinen til saiasatyna jaýapty mamandar men bilim basqarmalarynyń ókilderi onlain formatta qosyldy.
Jiynda ǵylym, bilim, tehnologiia, til saiasaty jáne tsifrlyq damý salalary talqylanyp, memlekettik tildiń zamanaýi ǵylymi-tsifrlyq keńistiktegi orny men múmkindikteri qarastyryldy.
Halyqaralyq «Qazaq tili» qoǵamynyń prezidenti Raýan Kenjehanuly qazaq tilindegi mátindi dybysqa ainaldyrýǵa arnalǵan «TTS» (Text-to-Speech) jobasyn tanystyrdy. Bul bastama qazaq tiliniń dybystyq qoryn jasandy intellekt ekojúiesine engizip, ony ǵylym men tehnologiia salasynda keńinen qoldanýǵa múmkindik beredi. Qazaqsha dybys modeli halyqaralyq Hugging Face platformasynda jariialanady.
Konferentsiia aiasynda Halyqaralyq «Qazaq tili» qoǵamy men Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy birlese otyryp, «Ulttyq diktant» jobasyn resmi túrde bastady. Jobanyń maqsaty – jazý mádenietin damytý, saýatty jazý daǵdylaryn qalyptastyrý jáne til arqyly ulttyq biregeilikti nyǵaitý. Diktant oflain jáne onlain formatta ótkiziledi, oǵan kez kelgen azamat qatysa alady.
Konferentsiianyń resmi bóligi aiaqtalǵan soń qatysýshylardyń barlyǵy «Ulttyq diktantqa» qatysty. Diktantty belgili diktor Qymbat Dosjan júrgizdi. Diktant mátini qazaq ádebieti klassikteriniń shyǵarmalarynan tańdaldy. Qatysýshylarǵa baǵa qoiylmaidy, árkim óz saýattylyǵyn ózi tekseredi.
Onlain diktantty www.til.kz platformasyndaǵy «Ulttyq diktant» paraqshasynda kez kelgen ýaqytta kez kelgen jerde jazýǵa bolady. Qatysýshylarǵa elektrondy alǵys hat pen KITAP platformasyna tegin jazylym beriledi.
«Ulttyq diktant» qorytyndysy jyl sońyna deiin jariialanyp, jyl saiyn dástúrli túrde ótkiziledi.
