فوتو: ۇيىمداستىرۋشىلاردان
2025 جىلعى 5 قىركٷيەكتە حالىقارالىق «قازاق تٸلٸ» قوعامىنىڭ ۇيىمداستىرۋىمەن استانا قالاسىنداعى نازارباەۆ ۋنيۆەرسيتەتٸندە قازاقستان حالقى تٸلدەرٸ كٷنٸ مەن ۇلت ۇستازى احمەت بايتۇرسىنۇلىنىڭ تۋعان كٷنٸنە ارنالعان «قازاق تٸلٸ – عىلىم مەن تەحنولوگييا تٸلٸ» تاقىرىبىندا رەسپۋبليكالىق كونفەرەنتسييا ٶتتٸ, دەپ حابارلايدى Ult.kz.
كونفەرەنتسيياعا قازاقستان رەسپۋبليكاسى ٷكٸمەت مٷشەلەرٸ, بەلگٸلٸ عالىمدار مەن ساراپشى ماماندار قاتىستى. ەلٸمٸزدٸڭ بارلىق ٶڭٸرٸنەن تٸل ساياساتىنا جاۋاپتى ماماندار مەن بٸلٸم باسقارمالارىنىڭ ٶكٸلدەرٸ ونلاين فورماتتا قوسىلدى.
جيىندا عىلىم, بٸلٸم, تەحنولوگييا, تٸل ساياساتى جەنە تسيفرلىق دامۋ سالالارى تالقىلانىپ, مەملەكەتتٸك تٸلدٸڭ زاماناۋي عىلىمي-تسيفرلىق كەڭٸستٸكتەگٸ ورنى مەن مٷمكٸندٸكتەرٸ قاراستىرىلدى.
حالىقارالىق «قازاق تٸلٸ» قوعامىنىڭ پرەزيدەنتٸ راۋان كەنجەحانۇلى قازاق تٸلٸندەگٸ مەتٸندٸ دىبىسقا اينالدىرۋعا ارنالعان «TTS» (Text-to-Speech) جوباسىن تانىستىردى. بۇل باستاما قازاق تٸلٸنٸڭ دىبىستىق قورىن جاساندى ينتەللەكت ەكوجٷيەسٸنە ەنگٸزٸپ, ونى عىلىم مەن تەحنولوگييا سالاسىندا كەڭٸنەن قولدانۋعا مٷمكٸندٸك بەرەدٸ. قازاقشا دىبىس مودەلٸ حالىقارالىق Hugging Face پلاتفورماسىندا جارييالانادى.
كونفەرەنتسييا اياسىندا حالىقارالىق «قازاق تٸلٸ» قوعامى مەن شايسۇلتان شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعى بٸرلەسە وتىرىپ, «ۇلتتىق ديكتانت» جوباسىن رەسمي تٷردە باستادى. جوبانىڭ ماقساتى – جازۋ مەدەنيەتٸن دامىتۋ, ساۋاتتى جازۋ داعدىلارىن قالىپتاستىرۋ جەنە تٸل ارقىلى ۇلتتىق بٸرەگەيلٸكتٸ نىعايتۋ. ديكتانت وفلاين جەنە ونلاين فورماتتا ٶتكٸزٸلەدٸ, وعان كەز كەلگەن ازامات قاتىسا الادى.
كونفەرەنتسييانىڭ رەسمي بٶلٸگٸ اياقتالعان سوڭ قاتىسۋشىلاردىڭ بارلىعى «ۇلتتىق ديكتانتقا» قاتىستى. ديكتانتتى بەلگٸلٸ ديكتور قىمبات دوسجان جٷرگٸزدٸ. ديكتانت مەتٸنٸ قازاق ەدەبيەتٸ كلاسسيكتەرٸنٸڭ شىعارمالارىنان تاڭدالدى. قاتىسۋشىلارعا باعا قويىلمايدى, ەركٸم ٶز ساۋاتتىلىعىن ٶزٸ تەكسەرەدٸ.
ونلاين ديكتانتتى www.til.kz پلاتفورماسىنداعى «ۇلتتىق ديكتانت» پاراقشاسىندا كەز كەلگەن ۋاقىتتا كەز كەلگەن جەردە جازۋعا بولادى. قاتىسۋشىلارعا ەلەكتروندى العىس حات پەن KITAP پلاتفورماسىنا تەگٸن جازىلىم بەرٸلەدٸ.
«ۇلتتىق ديكتانت» قورىتىندىسى جىل سوڭىنا دەيٸن جارييالانىپ, جىل سايىن دەستٷرلٸ تٷردە ٶتكٸزٸلەدٸ.
