Foto: QR ETRM
8 tamyzda Finliandiia astanasy Helsinkide ótken halyqaralyq kinologiialyq federatsiia (FCI) aiasyndaǵy World Dog Show 2025 kórmesinde qazaq tazysy resmi túrde álemge tanystyryldy, dep habarlaidy Ult.kz.
Qazaqstan delegatsiiasy halyqaralyq talaptarǵa sai iriktelgen jáne arnaiy daiyndyqtan ótken 8 tazyny apardy. Álemniń túkpir-túkpirinen jinalǵan 25 myń úzdik ittiń ishinde qazaq tazysy FCI uiymynda tirkelgen derbes it tuqymy retinde alǵash ret kórermen nazaryna usynyldy.
Alǵashqy qatysýda-aq otandyq tazylar júldesiz qaitpady:
-
Temirlan – 2025 jylǵy Álemniń jas chempiony
-
Lashyn – Álem chempiony jáne Finliandiia chempiony
-
Arý – Álem chempiony jáne Finliandiia chempiony
-
Kókserek pen Pana – Álemniń vitse-chempiondary
Kórme qonaqtary Qazaqstan pavilonyn erekshe qyzyǵýshylyqpen tamashalady. Ulttyq atribýttarmen bezendirilgen jartylai orda túrindegi alańda qonaqtar tazylarmen sýretke túsip, olardyń tarihymen jáne erekshe qasietterimen tanysty.
Qazaqstan kinologtary odaǵy tazynyń shyǵý tegi, minez-qulqy men qazaq mádenietindegi orny týraly baiandap, onyń jeti qazynanyń biri sanalatynyn atap ótti.
Bul tanystyrylym Memleket basshysynyń tapsyrmasymen 2022 jyldan beri júrgizilip kele jatqan qazaq tazysy tuqymyn saqtaý jáne álemge tanytý baǵdarlamasynyń mańyzdy kezeńi sanalady. 2023 jyly Qazaqstan kinologtary odaǵy FCI-dyń tolyq músheligine ótip, ulttyq it tuqymdaryn halyqaralyq deńgeide tanystyrý quqyǵyna ie boldy. 2024 jyly Amsterdamda qazaq tazysy resmi túrde tanylyp, Qazaqstanǵa onyń tolyqqandy iesi mártebesi berildi.
2034 jylǵa qarai tazy tuqymyn tolyq taný kózdelip otyr. Al Helsinkidegi osy jolǵy jeńister – qazaqy tazynyń jahandyq arenadaǵy bedelin arttyrǵan tarihi qadam boldy.
Foto: QR ETRM
