Foto: pexels.com
Qazaqstan politsiiasy patrýldeý marshrýttaryn Izraildiń dini jáne diplomatiialyq nysandaryna jaqyndatty. Bul týraly QR IIM-ge silteme jasaǵan KAZ.NUR.KZ habarlady.
"Elshilikter árqashan politsiianyń qorǵaýynda bolady. Barlyq dini nysandar da uzaq ýaqyttan beri IIB baqylaýynda. Patrýldeý marshrýttary osy nysandarǵa jaqyndatyldy, qosymsha TsOÝ kameralary arqyly jaqyn mańdaǵy aýmaqqa beinemonitoring júrgizilýde", - dep habarlady IIM baspasóz qyzmeti ókilderi.
Taiaý Shyǵystaǵy jaǵdaiǵa bailanysty qazaqstandyq áýe kompaniialaryna Iran áýe keńistiginen ainalyp ushýǵa da keńes berildi.
Kólik ministrligi Taiaý Shyǵystaǵy jaǵdaidyń shielenisýine qatysty málimdeme jasady.
"Taiaý Shyǵystaǵy jaǵdaidyń shielenisýine bailanysty qazaqstandyq áýe kompaniialaryna Iran áýe keńistigin ainalyp ótýge jáne balamaly marshrýttardy tańdaýǵa, sondai-aq tiisti aimaqtaǵy ushýlarǵa qatysty buryn jiberilgen nusqaýlyqtar men usynystardy basshylyqqa alýǵa keńes berildi", - delingen Telegram-arnada jariialanǵan habarlamada.
Aita keteiik, keshe, 1 qazanda Iran Izrailge zymyranmen shabýyl jasady. Izrail biligi birneshe adam zardap shekkenin habarlady. Al bul soqqylardan Gaza aýmaǵynda bir palestinalyq qaza tapqan. Izrail biligi jaýap qaitarýǵa oqtalyp otyr.
