Elordada «Abai jáne Iýnýs Emre: rýhani úndestik» taqyrybynda halyqaralyq jiyn ótti, dep habarlaidy QazAqparat.
Jiyn barysynda Halyqaralyq «Abai-Jidebai» qoǵamdyq qorynyń uiymdastyrýymen jáne Resei óner akademiiasynyń qurmetti múshesi, professor Baiarlin Azattyń somdaýymen jasalǵan, qazaq jáne túrik eliniń uly aqyndaryna arnalǵan, qoladan quiylǵan bareleftiń tanystyrylymy ótti. Uly aqyn Abai men Iýnýs Emreniń qoladan quiylǵan barelefiniń uzyndyǵy – 1 350 mm, biiktigi – 900 mm, al eni – 350 mm. Salmaǵy 135 keli tartady. Ony aldaǵy ýaqytta Nur-Sultan qalasyndaǵy Qalamgerler alleiasyna ornatý josparlanyp otyr.
Halyqaralyq jiynǵa L.Gýmilev atyndaǵy EUÝ, Qazaqstan Respýblikasynyń Túrkiia Respýblikasyndaǵy Elshiligi, Túrkiia Respýblikasynyń Qazaqstan Respýblikasyndaǵy Elshiligi, «Abai akademiiasy» ǵylymi-zertteý institýty, Halyqaralyq «Abai-Jidebai» qoǵamdyq qory, Eýraziia Jazýshylar odaǵy, Qazaqstan Jazýshylar odaǵy, Iýnýs Emre atyndaǵy túrik mádeni ortalyǵy, Shyǵys Qazaqstan oblysy Abai aýdandyq qoǵamdyq keńesi, Abai atyndaǵy Qazaq ulttyq pedagogikalyq ýniversiteti, M.H. Dýlati atyndaǵy Taraz óńirlik ýniversiteti jáne basqa da óńirlik joǵary oqý oryndary, qyzyǵýshylyq tanytqan zertteýshiler qatysty.
Halyqaralyq jiynda professor Shákir Ibraev «Iýnýs Emre jáne Abai poeziiasyndaǵy sopylyq motivterdiń transformatsiiasy», Gúlbaný Qosymova «Iýnýs Emre jáne Abai: ideialar sabaqtastyǵy», professor Maǵripa Eskeeva «Iýnýs Emre jáne Abai shyǵarmalary tilindegi dini qundylyqtar kórinisi», professor Sámen Qulbaraq «Haqty súiý jáne izgilik jarshysy», professor Janat Aimuhambet «Júnis Emre jáne Abai poeziiasy rýhani-kórkem tezaýrýs aspektisinde», aqyn-jazýshy, «Abai joly» romanynyń aýdarmashysy, Zafer Kibar «Abay ve Yunus Emre’de Eğitim ve İnsan Sevgisi» (Abai men Iýnýs Emrede bilim jáne adam súiispenshiligi) taqyryptarynda baiandama jasady.
