ەلوردادا «اباي جەنە يۋنۋس ەمرە: رۋحاني ٷندەستٸك» تاقىرىبىندا حالىقارالىق جيىن ٶتتٸ, دەپ حابارلايدى قازاقپارات.
جيىن بارىسىندا حالىقارالىق «اباي-جيدەباي» قوعامدىق قورىنىڭ ۇيىمداستىرۋىمەن جەنە رەسەي ٶنەر اكادەميياسىنىڭ قۇرمەتتٸ مٷشەسٸ, پروفەسسور بايارلين ازاتتىڭ سومداۋىمەن جاسالعان, قازاق جەنە تٷرٸك ەلٸنٸڭ ۇلى اقىندارىنا ارنالعان, قولادان قۇيىلعان بارەلەفتٸڭ تانىستىرىلىمى ٶتتٸ. ۇلى اقىن اباي مەن يۋنۋس ەمرەنٸڭ قولادان قۇيىلعان بارەلەفٸنٸڭ ۇزىندىعى – 1 350 مم, بيٸكتٸگٸ – 900 مم, ال ەنٸ – 350 مم. سالماعى 135 كەلٸ تارتادى. ونى الداعى ۋاقىتتا نۇر-سۇلتان قالاسىنداعى قالامگەرلەر اللەياسىنا ورناتۋ جوسپارلانىپ وتىر.
حالىقارالىق جيىنعا ل.گۋميلەۆ اتىنداعى ەۇۋ, قازاقستان رەسپۋبليكاسىنىڭ تٷركييا رەسپۋبليكاسىنداعى ەلشٸلٸگٸ, تٷركييا رەسپۋبليكاسىنىڭ قازاقستان رەسپۋبليكاسىنداعى ەلشٸلٸگٸ, «اباي اكادەميياسى» عىلىمي-زەرتتەۋ ينستيتۋتى, حالىقارالىق «اباي-جيدەباي» قوعامدىق قورى, ەۋرازييا جازۋشىلار وداعى, قازاقستان جازۋشىلار وداعى, يۋنۋس ەمرە اتىنداعى تٷرٸك مەدەني ورتالىعى, شىعىس قازاقستان وبلىسى اباي اۋداندىق قوعامدىق كەڭەسٸ, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ, م.ح. دۋلاتي اتىنداعى تاراز ٶڭٸرلٸك ۋنيۆەرسيتەتٸ جەنە باسقا دا ٶڭٸرلٸك جوعارى وقۋ ورىندارى, قىزىعۋشىلىق تانىتقان زەرتتەۋشٸلەر قاتىستى.
حالىقارالىق جيىندا پروفەسسور شەكٸر يبراەۆ «يۋنۋس ەمرە جەنە اباي پوەزيياسىنداعى سوپىلىق موتيۆتەردٸڭ ترانسفورماتسيياسى», گٷلبانۋ قوسىموۆا «يۋنۋس ەمرە جەنە اباي: يدەيالار ساباقتاستىعى», پروفەسسور ماعريپا ەسكەەۆا «يۋنۋس ەمرە جەنە اباي شىعارمالارى تٸلٸندەگٸ دٸني قۇندىلىقتار كٶرٸنٸسٸ», پروفەسسور سەمەن قۇلباراق «حاقتى سٷيۋ جەنە ٸزگٸلٸك جارشىسى», پروفەسسور جانات ايمۇحامبەت «جٷنٸس ەمرە جەنە اباي پوەزيياسى رۋحاني-كٶركەم تەزاۋرۋس اسپەكتٸسٸندە», اقىن-جازۋشى, «اباي جولى» رومانىنىڭ اۋدارماشىسى, زافەر كيبار «Abay ve Yunus Emre’de Eğitim ve İnsan Sevgisi» (اباي مەن يۋنۋس ەمرەدە بٸلٸم جەنە ادام سٷيٸسپەنشٸلٸگٸ) تاقىرىپتارىندا بايانداما جاسادى.
