Qazaq-ózbek shekarasyndaǵy kepteliske ótkizý beketteriniń eskirýi sebep. Bul týraly qarjy ministrligi memlekettik kirister komiteti tóraǵasynyń orynbasary mindetin atqarýshy Qýat Raqymov aitty, dep habarlaidy Sputnik Qazaqstan tilshisi.
Raqymov Qazaqstan men Ózbekstan shekarasynda júk kólikteriniń bógelip, toqtap turǵanyn rastady. Oǵan ótkizý beketteriniń eskirýi sebep eken.
"Bizdiń ótkizý beketterimiz 20 jyl buryn salynǵan. Olardy qazir jańǵyrtý qajet. Biz tehnikalyq múmkindikke qarai ótkizip jatyrmyz. Máselen, eger bekettiń ótkizý múmkindigi táýligine 100 kólik bolsa, biz 250 kólik jiberemiz. Qazirgi jaǵdai osyndai", - dedi Raqymov OKQ kýlýarynda.
Onyń aitýynsha, kidiris ózbekstandyq tarapta da bar eken.
"Ózbek tarapy baqylaýdy kúsheitken kezde, biz kólikterdi ol jaqqa ótkize almaimyz. Sonyń saldarynan olar bizdiń jaqta keptelip qalady", - dep túsindirdi ol.
Bul máseleni sheshý úshin qazaqstandyq ótkizý beketteri qaita qalpyna keltirilip jatyr. Qazir, onyń aitýynsha, "Qonysbai" pýnktin jańǵyrtý jumystary júrýde. Buǵan qosa, "Jibek joly" ótkizý beketinde de tiisti jumystar bastalǵan.
"Qalǵan pýnkter de biyl qaita qalpyna keltiriledi", - dedi Raqymbaev.
