قازاق-ٶزبەك شەكاراسىنداعى كەپتەلٸسكە ٶتكٸزۋ بەكەتتەرٸنٸڭ ەسكٸرۋٸ سەبەپ. بۇل تۋرالى قارجى مينيسترلٸگٸ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى مٸندەتٸن اتقارۋشى قۋات راقىموۆ ايتتى, دەپ حابارلايدى Sputnik قازاقستان تٸلشٸسٸ.
راقىموۆ قازاقستان مەن ٶزبەكستان شەكاراسىندا جٷك كٶلٸكتەرٸنٸڭ بٶگەلٸپ, توقتاپ تۇرعانىن راستادى. وعان ٶتكٸزۋ بەكەتتەرٸنٸڭ ەسكٸرۋٸ سەبەپ ەكەن.
"بٸزدٸڭ ٶتكٸزۋ بەكەتتەرٸمٸز 20 جىل بۇرىن سالىنعان. ولاردى قازٸر جاڭعىرتۋ قاجەت. بٸز تەحنيكالىق مٷمكٸندٸككە قاراي ٶتكٸزٸپ جاتىرمىز. مەسەلەن, ەگەر بەكەتتٸڭ ٶتكٸزۋ مٷمكٸندٸگٸ تەۋلٸگٸنە 100 كٶلٸك بولسا, بٸز 250 كٶلٸك جٸبەرەمٸز. قازٸرگٸ جاعداي وسىنداي", - دەدٸ راقىموۆ وكق كۋلۋارىندا.
ونىڭ ايتۋىنشا, كٸدٸرٸس ٶزبەكستاندىق تاراپتا دا بار ەكەن.
"ٶزبەك تاراپى باقىلاۋدى كٷشەيتكەن كەزدە, بٸز كٶلٸكتەردٸ ول جاققا ٶتكٸزە المايمىز. سونىڭ سالدارىنان ولار بٸزدٸڭ جاقتا كەپتەلٸپ قالادى", - دەپ تٷسٸندٸردٸ ول.
بۇل مەسەلەنٸ شەشۋ ٷشٸن قازاقستاندىق ٶتكٸزۋ بەكەتتەرٸ قايتا قالپىنا كەلتٸرٸلٸپ جاتىر. قازٸر, ونىڭ ايتۋىنشا, "قونىسباي" پۋنكتٸن جاڭعىرتۋ جۇمىستارى جٷرۋدە. بۇعان قوسا, "جٸبەك جولى" ٶتكٸزۋ بەكەتٸندە دە تيٸستٸ جۇمىستار باستالعان.
"قالعان پۋنكتەر دە بيىل قايتا قالپىنا كەلتٸرٸلەدٸ", - دەدٸ راقىمباەۆ.
