Jienimniń máshinesine joldan bir qyz otyrdy. Sodan estidim, Almatyda qyzdardyń jekpe-jegin ótkizedi eken. Ózi jaqynda ǵana Taldyqorǵandaǵy jabyq jerde ótken jekpe-jekke qatysyp, biraz aqsha utyp alypty. Onyń aldynda Almatyda uiymdastyrylǵan taǵy bireýine baryp, tarazdyq qyzdy jeńip qaitypty.
Túri sonshalyqty «jyndy» qyzǵa uqsamaidy. Keiin áńgimelese kele, minezdi qyz ekeni biline bastady. Jekpe-jekke eki ret qatysyp, ekeýinde de ózi siiaqty qazaq qyzdarymen shyǵypty. Soǵan qaraǵanda, qazaq qyzdaryn endi bir-birimen tóbelestirip, bireýler sodan aqsha taba bastaǵan sekildi.
«Ondaidy telebizirden kórsetpeidi. Biraq Almatyda postoianno ótip turady. Tóbelesetinderdiń toqsan bes protsenti qazaq qyzdary. Endi, bireýler aqshany jeńil júrispen tabady, bireýler osylai tóbelesip júrip tabady. Biz siiaqtylarǵa basqa variant joq qoi» dep munaiyp qoiady.
Jienimniń de minezi shataq. Álgi sózdi estigende, qatty ashýlanyp ketkenin baiqadym. Qyzǵa emes, qazaq qyzdaryn bir-birimen itshe tóbelestirip, sodan aqsha taýyp júrgenderge ashýlanyp otyrdy. Biraz jerge deiin úndemei keldik te, ózin Albina dep ataǵan álgi qaryndasty aitqan jerine deiin tegin jetkizip tastap, úige qaittyq. Jazǵym kelmep edi, biraq bul sumdyqty barsha halyq bilsin dep jazdym...
Jolymbet Mákishtiń Feisbýktegi jazbasynan
