جيەنٸمنٸڭ مەشينەسٸنە جولدان بٸر قىز وتىردى. سودان ەستٸدٸم, الماتىدا قىزداردىڭ جەكپە-جەگٸن ٶتكٸزەدٸ ەكەن. ٶزٸ جاقىندا عانا تالدىقورعانداعى جابىق جەردە ٶتكەن جەكپە-جەككە قاتىسىپ, بٸراز اقشا ۇتىپ الىپتى. ونىڭ الدىندا الماتىدا ۇيىمداستىرىلعان تاعى بٸرەۋٸنە بارىپ, تارازدىق قىزدى جەڭٸپ قايتىپتى.
تٷرٸ سونشالىقتى «جىندى» قىزعا ۇقسامايدى. كەيٸن ەڭگٸمەلەسە كەلە, مٸنەزدٸ قىز ەكەنٸ بٸلٸنە باستادى. جەكپە-جەككە ەكٸ رەت قاتىسىپ, ەكەۋٸندە دە ٶزٸ سيياقتى قازاق قىزدارىمەن شىعىپتى. سوعان قاراعاندا, قازاق قىزدارىن ەندٸ بٸر-بٸرٸمەن تٶبەلەستٸرٸپ, بٸرەۋلەر سودان اقشا تابا باستاعان سەكٸلدٸ.
«وندايدى تەلەبٸزٸردەن كٶرسەتپەيدٸ. بٸراق الماتىدا پوستوياننو ٶتٸپ تۇرادى. تٶبەلەسەتٸندەردٸڭ توقسان بەس پروتسەنتٸ قازاق قىزدارى. ەندٸ, بٸرەۋلەر اقشانى جەڭٸل جٷرٸسپەن تابادى, بٸرەۋلەر وسىلاي تٶبەلەسٸپ جٷرٸپ تابادى. بٸز سيياقتىلارعا باسقا ۆاريانت جوق قوي» دەپ مۇنايىپ قويادى.
جيەنٸمنٸڭ دە مٸنەزٸ شاتاق. ەلگٸ سٶزدٸ ەستٸگەندە, قاتتى اشۋلانىپ كەتكەنٸن بايقادىم. قىزعا ەمەس, قازاق قىزدارىن بٸر-بٸرٸمەن يتشە تٶبەلەستٸرٸپ, سودان اقشا تاۋىپ جٷرگەندەرگە اشۋلانىپ وتىردى. بٸراز جەرگە دەيٸن ٷندەمەي كەلدٸك تە, ٶزٸن البينا دەپ اتاعان ەلگٸ قارىنداستى ايتقان جەرٸنە دەيٸن تەگٸن جەتكٸزٸپ تاستاپ, ٷيگە قايتتىق. جازعىم كەلمەپ ەدٸ, بٸراق بۇل سۇمدىقتى بارشا حالىق بٸلسٸن دەپ جازدىم...
جولىمبەت مەكٸشتٸڭ فەيسبۋكتەگٸ جازباسىنان
