Negizi biz zańdy bilip, tanyp baryp pikir aitýdy umyttyq. Ulttyq emotsiiamyzben kettik. Ras myna "eldiń quraýshysy" (gosýdarstvo sostavliaiýshii) emes, "eldiń qurýshysy" (gosýdarstvo obrazýiýshii) qazaq ulty ekendigi málim. Biraq osy anyq aqiqat ata zańymyzda kórinis tappaǵan.
Sondyqtan tek Bilim men ǵylym ministrligi ǵana emes, jalpy barlyq salada qazaq mádenietin ortalyqqa alyp, máseleni sol negizde sheshý ustanymy atymen joq. Sebebi kez kelgen sala óz sheshimin tek ata zań qonstitýtsiia sheńberinde ǵana qabyldaidy. Sondyqtan búgingi úkimettiń onyń ministrlikteriniń basty ustanymy da, súiener negizi de - konstitýtsiia men quqyqtyq normalar.
Ras búgin qazaqtyń ulttyq sanasy men saiasi kózqarastaryna jan kirip keledi. Biraq quqyqtyq sana men saiasi júieniń negizderine úńilgen saýattyraq bolady. Sebebi qazirgi aitylǵan kez kelgen pikirleriń jelge ushady da ketedi. Mamandyǵym "filosof-teolog, dintanýshy" bolǵandyqtan, qoǵamdaǵy dini ahýaldyń úderistik jáne qubylystyq sipaty týraly, iaǵni, negizgi aspektime bei- jai qarai almaidy ekenmin.
Mamandyq degen ol sol adamnyń taǵdyry, satyp alǵan aýrýy eken. Qazir osy sala mamany bolǵanyma qatty ókinip júrmin. Odan da Qarataýda qoi baǵyp júrgenim myń artyq edi dep. Nege deseńiz kúni keshe ǵana din isteri ministrliginiń "Ermekbaev kontseptsiiasy" dep shartty túrde atalatyn qujatymen tanystym.
Jalpy din salasyndaǵy basshylardyń keńestik rejimnen aldyn jáne keiingi A. Muqashevtan bastap, keshegi din isteri agenttigi basshysy bolǵan Q. Lamasharipten beri jalǵasqan júieniń tetikteri men sheshimderinen habarym bar. Sonda kontseptsiianyń mazmuny keshegi keńestik ideologiianyń din jáne memleket qatynastary ustanymdarynan eshqandai aiyrmashylyǵy joq ekendigine kózińiz jetedi.
Búgingi demokratiialyq, quqyqtyq, áleýmettik jáne zaiyrly memlekette konstitýtsiiaǵa sai din jáne memleket qatynastary ustanymdary keńestik ateizm tetikterinen múldem basqasha bolýynan asqan tabiǵilyq bolmaý kerek edi. Ókinishke orai olai emes. Endi kelip, "senderdiń zaiyrlylyqtaryń ateizm" dep júrgen "ahilarǵa" ne ýáj aitamyz... Keshegi keńestik sekýriarizm men búgingi zaiyrlylyqtyń eń basty aiyrmashylyǵy qoǵam men memleket qabattarynyń dinmen qatynasynan kórinis tabady.
Keńestik sekýliarizm dindi memleketten de qoǵamnan da adamnan da bólip tastady. Qoǵamdy da sekýliarlyq ustanymda ustap, solai baqylady. Sonda din adam qorshaǵan mádenietten de, áleýmettik institýttan da, otbasynan da, saiasattan da, ónerden de, ekonomikadan da, bilim berýden de, meditsinadan da alastatyldy. Bul keshe keńestIk kezeńde bolatyn. Memleket saiasatyn osy negizde júrgizdi.
Al búgin biz erkin, egemen, táýelsiz elmiz. Zaiyrly demokratiialy, quqyqtyq jáne áleýmettik negizde baiandylyǵyn qurýdy maqsat etken, ata zańynda osylai aiǵaqtap qoiǵan memleketpiz. Onda nege, ne sebepti, keshegi keńestik ateizm kezeńindegi din jáne memleket qatynastaryn negizdeitin ustanymdardy sol qalpy qabyldaimyz? Qazaqstan Musylmandary Din basqarmasy nege osy qujatqa barsha musylmandar atynan qoǵamdyq institýt retinde óz pikirin, kózqarasyn bildirmeidi? Bul týraly Prezident Ákimshiligi ne deidi eken, degen suraq týyp otyr.
Dosai Kenjetai,
