نەگٸزٸ بٸز زاڭدى بٸلٸپ, تانىپ بارىپ پٸكٸر ايتۋدى ۇمىتتىق. ۇلتتىق ەموتسييامىزبەن كەتتٸك. راس مىنا "ەلدٸڭ قۇراۋشىسى" (گوسۋدارستۆو سوستاۆليايۋششيي) ەمەس, "ەلدٸڭ قۇرۋشىسى" (گوسۋدارستۆو وبرازۋيۋششيي) قازاق ۇلتى ەكەندٸگٸ مەلٸم. بٸراق وسى انىق اقيقات اتا زاڭىمىزدا كٶرٸنٸس تاپپاعان.
سوندىقتان تەك بٸلٸم مەن عىلىم مينيسترلٸگٸ عانا ەمەس, جالپى بارلىق سالادا قازاق مەدەنيەتٸن ورتالىققا الىپ, مەسەلەنٸ سول نەگٸزدە شەشۋ ۇستانىمى اتىمەن جوق. سەبەبٸ كەز كەلگەن سالا ٶز شەشٸمٸن تەك اتا زاڭ قونستيتۋتسييا شەڭبەرٸندە عانا قابىلدايدى. سوندىقتان بٷگٸنگٸ ٷكٸمەتتٸڭ ونىڭ مينيسترلٸكتەرٸنٸڭ باستى ۇستانىمى دا, سٷيەنەر نەگٸزٸ دە - كونستيتۋتسييا مەن قۇقىقتىق نورمالار.
راس بٷگٸن قازاقتىڭ ۇلتتىق ساناسى مەن ساياسي كٶزقاراستارىنا جان كٸرٸپ كەلەدٸ. بٸراق قۇقىقتىق سانا مەن ساياسي جٷيەنٸڭ نەگٸزدەرٸنە ٷڭٸلگەن ساۋاتتىراق بولادى. سەبەبٸ قازٸرگٸ ايتىلعان كەز كەلگەن پٸكٸرلەرٸڭ جەلگە ۇشادى دا كەتەدٸ. ماماندىعىم "فيلوسوف-تەولوگ, دٸنتانۋشى" بولعاندىقتان, قوعامداعى دٸني احۋالدىڭ ٷدەرٸستٸك جەنە قۇبىلىستىق سيپاتى تۋرالى, ياعني, نەگٸزگٸ اسپەكتٸمە بەي- جاي قاراي المايدى ەكەنمٸن.
ماماندىق دەگەن ول سول ادامنىڭ تاعدىرى, ساتىپ العان اۋرۋى ەكەن. قازٸر وسى سالا مامانى بولعانىما قاتتى ٶكٸنٸپ جٷرمٸن. ودان دا قاراتاۋدا قوي باعىپ جٷرگەنٸم مىڭ ارتىق ەدٸ دەپ. نەگە دەسەڭٸز كٷنٸ كەشە عانا دٸن ٸستەرٸ مينيسترلٸگٸنٸڭ "ەرمەكباەۆ كونتسەپتسيياسى" دەپ شارتتى تٷردە اتالاتىن قۇجاتىمەن تانىستىم.
جالپى دٸن سالاسىنداعى باسشىلاردىڭ كەڭەستٸك رەجيمنەن الدىن جەنە كەيٸنگٸ ا. مۇقاشەۆتان باستاپ, كەشەگٸ دٸن ٸستەرٸ اگەنتتٸگٸ باسشىسى بولعان ق. لاماشاريپتەن بەرٸ جالعاسقان جٷيەنٸڭ تەتٸكتەرٸ مەن شەشٸمدەرٸنەن حابارىم بار. سوندا كونتسەپتسييانىڭ مازمۇنى كەشەگٸ كەڭەستٸك يدەولوگييانىڭ دٸن جەنە مەملەكەت قاتىناستارى ۇستانىمدارىنان ەشقانداي ايىرماشىلىعى جوق ەكەندٸگٸنە كٶزٸڭٸز جەتەدٸ.
بٷگٸنگٸ دەموكراتييالىق, قۇقىقتىق, ەلەۋمەتتٸك جەنە زايىرلى مەملەكەتتە كونستيتۋتسيياعا ساي دٸن جەنە مەملەكەت قاتىناستارى ۇستانىمدارى كەڭەستٸك اتەيزم تەتٸكتەرٸنەن مٷلدەم باسقاشا بولۋىنان اسقان تابيعيلىق بولماۋ كەرەك ەدٸ. ٶكٸنٸشكە وراي ولاي ەمەس. ەندٸ كەلٸپ, "سەندەردٸڭ زايىرلىلىقتارىڭ اتەيزم" دەپ جٷرگەن "احيلارعا" نە ۋەج ايتامىز... كەشەگٸ كەڭەستٸك سەكۋرياريزم مەن بٷگٸنگٸ زايىرلىلىقتىڭ ەڭ باستى ايىرماشىلىعى قوعام مەن مەملەكەت قاباتتارىنىڭ دٸنمەن قاتىناسىنان كٶرٸنٸس تابادى.
كەڭەستٸك سەكۋلياريزم دٸندٸ مەملەكەتتەن دە قوعامنان دا ادامنان دا بٶلٸپ تاستادى. قوعامدى دا سەكۋليارلىق ۇستانىمدا ۇستاپ, سولاي باقىلادى. سوندا دٸن ادام قورشاعان مەدەنيەتتەن دە, ەلەۋمەتتٸك ينستيتۋتتان دا, وتباسىنان دا, ساياساتتان دا, ٶنەردەن دە, ەكونوميكادان دا, بٸلٸم بەرۋدەن دە, مەديتسينادان دا الاستاتىلدى. بۇل كەشە كەڭەستٸك كەزەڭدە بولاتىن. مەملەكەت ساياساتىن وسى نەگٸزدە جٷرگٸزدٸ.
ال بٷگٸن بٸز ەركٸن, ەگەمەن, تەۋەلسٸز ەلمٸز. زايىرلى دەموكراتييالى, قۇقىقتىق جەنە ەلەۋمەتتٸك نەگٸزدە باياندىلىعىن قۇرۋدى ماقسات ەتكەن, اتا زاڭىندا وسىلاي ايعاقتاپ قويعان مەملەكەتپٸز. وندا نەگە, نە سەبەپتٸ, كەشەگٸ كەڭەستٸك اتەيزم كەزەڭٸندەگٸ دٸن جەنە مەملەكەت قاتىناستارىن نەگٸزدەيتٸن ۇستانىمداردى سول قالپى قابىلدايمىز? قازاقستان مۇسىلماندارى دٸن باسقارماسى نەگە وسى قۇجاتقا بارشا مۇسىلماندار اتىنان قوعامدىق ينستيتۋت رەتٸندە ٶز پٸكٸرٸن, كٶزقاراسىن بٸلدٸرمەيدٸ? بۇل تۋرالى پرەزيدەنت ەكٸمشٸلٸگٸ نە دەيدٸ ەكەن, دەگەن سۇراق تۋىپ وتىر.
دوساي كەنجەتاي,
