فوتو: ۆيدەودان سكرينشوت
استانادا LRT جەلٸسٸنٸڭ ستانتسييالارىنىڭ بٸرٸندە تٷندە ٶرت شىقتى. تجم مەلٸمەتٸنشە, دەنەكەرلەۋ جۇمىستارى كەزٸندە پلاستيك قۇبىرلار مەن جىلۋ وقشاۋلاعىش ماتەريال تۇتانعان. بۇل تۋرالى Stan.kz اقپارات اگەنتتٸگٸنە سٸلتەمە جاساپ Ult.kz حابارلايدى.
استاناداعى LRT ستانتسيياسىندا تٷندە شىققان ٶرتتٸڭ مەن-جايى بەلگٸلٸ بولدى. تٶتەنشە جاعدايلار مينيسترلٸگٸنٸڭ مەلٸمەتٸنشە, ٶرت دەنەكەرلەۋ جۇمىستارى كەزٸندە تۇتانعان.
ۆەدومستۆونىڭ حابارلاۋىنشا, قۇرىلىس الاڭىندا پلاستيك قۇبىرلار مەن جىلۋ وقشاۋلاعىش ماتەريال جانعان. ٶرت اۋماعى شامامەن 20 شارشى مەتردٸ قۇراعان. جالىن ٶرت سٶندٸرۋشٸلەر كەلمەي تۇرىپ تولىق سٶندٸرٸلگەن. زارداپ شەككەندەر جوق.
بۇعان دەيٸن استانانىڭ وڭ جاعالاۋىنداعى تۇرعىندار شەمشٸ قالداياقوۆ كٶشەسٸ ماڭىنداعى LRT جەلٸسٸ اۋماعىنان قويۋ تٷتٸن شىققانىن بايقاعان. وقيعا ورنىنان تٷسٸرٸلگەن ۆيدەولار ەلەۋمەتتٸك جەلٸدە تارادى.
