Foto: videodan skrinshot
Keshe Almatyda ótken "Qazaq arýy – 2025" ulttyq sulýlyq baiqaýynda Taldyqorǵan qalasynyń atynan qatysqan Dáriia Qýatjan jeńimpaz atandy, dep habarlaidy Ult.kz.
Jeńimpaz halyqtyń daýys berýi arqyly tańdaldy. Daýys berý nátijeleri jobanyń Instagram-daǵy resmi paraqshasynda jariialandy.
Finaldyń qorytyndysy boiynsha Dáriia Qýatjan 26 376 daýys jinap, basty básekelesiniń biri Diana Qyrymdy (13 160 daýys) eki esege jýyq basyp ozdy. Úzdik úshtikti Dariǵa Rahym (11 045 daýys) túiindedi.
Dáriia – jas kásipker, dizainer. Joba uiymdastyrýshylary onyń ulttyq óner men dástúrli oiý-órnekterden shabyt alatynyn atap ótti. Ol osy óner arqyly "qazaq mádenietiniń rýhyn jetkizýdi" maqsat etedi.
Jobanyń maqsaty – talantty jastardy anyqtaý jáne qoldaý, qazaq halqynyń mádenieti men salt-dástúrlerin saqtaý, Tatarstanda bilim alyp júrgen sheteldik stýdentter men jergilikti halyq arasyndaǵy dostyq pen kelisimdi nyǵaitý, sondai-aq qoǵamdyq jáne mádeni bailanysty damytý.
