"Zimniaia vishnia" saýda ortalyǵyndaǵy tragediiadan keiin Kemerovo turǵyndary máiithanalardy tekserýge jibergen yntaly top mitingke shyqqandarǵa jaǵdaidy aityp, esep berdi, dep habarlaidy RIA Novosti.
Mitingke shyqqan turǵyndar Kemerovo meri Ilia Serediýkten saýda ortalyǵyndaǵy órtten qaza bolǵandardyń sanyn azaitpai, naqty sanyn aitýdy talap etti. Óz kezeginde qala basshysy belsendilerdi máiithanalarǵa jiberýdi usyndy. Sodan mitingtiń eń belsendi onǵa jýyq qatysýshysyn ákimshiliktiń avtobýsyna otyrǵyzyp, tekserýge jibergen.
"Jańa ǵana máiithanada boldyq, sanap shyqtyq. Qaza bolǵandardyń tizimin qarap shyqtym. Búkil bólme, dárethana, jertóle, shatyr, garaj, kólikter – bárin tekserdik. Tizim boiynsha qaradyq, tizimde 64 adam boldy", — dedi tekserýshi toptyń ishinde bolǵan turǵyndardyń biri.
Narazylyq tanytyp, daýystai bastaǵandarǵa ol: "Tura turyńyzdar, biz sizder sekildimiz, bizdi ózderińiz jibergen joqsyzdar ma?!", — dedi.
Qalanyń ortalyǵyndaǵy miting bes saǵattan beri júrip jatyr.
Kemerovoda "Zimniaia vishnia" tórt qabatty saýda ortalyǵynda jeksenbi alapat órt shyqty. 64 adam qaza boldy, olardyń ishinde balalar kóp. 13 adam aýrýhanada jatyr. Osy oqiǵaǵa qatysty birneshe adam ustaldy.
