"زيمنيايا ۆيشنيا" ساۋدا ورتالىعىنداعى تراگەدييادان كەيٸن كەمەروۆو تۇرعىندارى مەيٸتحانالاردى تەكسەرۋگە جٸبەرگەن ىنتالى توپ ميتينگكە شىققاندارعا جاعدايدى ايتىپ, ەسەپ بەردٸ, دەپ حابارلايدى ريا نوۆوستي.
ميتينگكە شىققان تۇرعىندار كەمەروۆو مەرٸ يليا سەرەديۋكتەن ساۋدا ورتالىعىنداعى ٶرتتەن قازا بولعانداردىڭ سانىن ازايتپاي, ناقتى سانىن ايتۋدى تالاپ ەتتٸ. ٶز كەزەگٸندە قالا باسشىسى بەلسەندٸلەردٸ مەيٸتحانالارعا جٸبەرۋدٸ ۇسىندى. سودان ميتينگتٸڭ ەڭ بەلسەندٸ ونعا جۋىق قاتىسۋشىسىن ەكٸمشٸلٸكتٸڭ اۆتوبۋسىنا وتىرعىزىپ, تەكسەرۋگە جٸبەرگەن.
"جاڭا عانا مەيٸتحانادا بولدىق, ساناپ شىقتىق. قازا بولعانداردىڭ تٸزٸمٸن قاراپ شىقتىم. بٷكٸل بٶلمە, دەرەتحانا, جەرتٶلە, شاتىر, گاراج, كٶلٸكتەر – بەرٸن تەكسەردٸك. تٸزٸم بويىنشا قارادىق, تٸزٸمدە 64 ادام بولدى", — دەدٸ تەكسەرۋشٸ توپتىڭ ٸشٸندە بولعان تۇرعىنداردىڭ بٸرٸ.
نارازىلىق تانىتىپ, داۋىستاي باستاعاندارعا ول: "تۇرا تۇرىڭىزدار, بٸز سٸزدەر سەكٸلدٸمٸز, بٸزدٸ ٶزدەرٸڭٸز جٸبەرگەن جوقسىزدار ما?!", — دەدٸ.
قالانىڭ ورتالىعىنداعى ميتينگ بەس ساعاتتان بەرٸ جٷرٸپ جاتىر.
كەمەروۆودا "زيمنيايا ۆيشنيا" تٶرت قاباتتى ساۋدا ورتالىعىندا جەكسەنبٸ الاپات ٶرت شىقتى. 64 ادام قازا بولدى, ولاردىڭ ٸشٸندە بالالار كٶپ. 13 ادام اۋرۋحانادا جاتىر. وسى وقيعاعا قاتىستى بٸرنەشە ادام ۇستالدى.
