QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynan keiingi brifingide baspana naryǵyndaǵy monopoliia týraly pikir bildirdi, dep habarlaidy QazAqparat.
«Biyl baspana baǵasy arzandadidy dep aita alasyz ba? Bul turǵyda naryqtaǵy monopolistermen qalai kelispekshisiz?», - dep surady BAQ ókili.
«Eshkim eshkimmen kelisim jasaǵaly jatqan joq. Júieli sharalar bar. Bul turǵyn úi qurylysy naryǵynda monopoliia bar ma, álde joq pa degen máseleni qadaǵalap otyrmyz. Eger BI Group kompaniiasy boiynsha surap tursańyz, baspana baǵytynda onyń elodardadaǵy úlesi – 22,7 paiyz. Almaty qalasy boinysha da úlesi sol shamada – 2,4 mln sharshy metr baspana salynsa, sonyń 300-400 myń sharshy metri tiesili. Bazis te osy shamada baspana qoldanysqa berdi. Biz muny baqylap otyrmyz. Sondyqtan áldebireýdi monopolist dep aitýǵa kelmeitin shyǵar», - dedi ministr.
Onyń aitýynsha, degenmen atalǵan kompaniialar usynyp otyrǵan baǵa boiynsha rasymen de úlken aiyrmashylyq bar.
«Salynǵan turǵyn úi kólemi boiynsha BI Group-tyń úlesi 22,7 paiyz bolsa, baspana qunynyń mólsherinde onyń úlesi 42 paiyz bolyp otyr. Iaǵni, az salǵanymen aitarlyqtai qymbatqa satady. Bul jerde eki nusqa bar. Ne onyń páterleri sapaly suranysqa ie, ne ol jaqsy menedjer retinde salǵan páterin sata biledi degen sóz. Sondyqtan biz bul máseleni turaqty baqylap otyrmyz. Ári qarai naryqty monopoliiasyzdandyrý úshin birqatar normativtik qujat jobalaryn daiyndadyq», - dedi Qaiyrbek Óskenbaev.
