Qazaqstandyqtar Qaiyńdy kólinde beinerolik túsirdi. Kadrlardan bir qyzdyń sý artasynda qalqyp turǵan úrlemeli matrastyń ústinde jatqanyn kórýge bolady. Onyń ulttyq park aýmaǵyndaǵy áreketi jurtty ashýlandyrdy, - dep habarlaidy Tengrinews.kz.
Qaiyńdy kólinde túsirilgen bul video Instagram jelisinde jariialandy.
"Qaiyńdydaǵy bul ne tsirk?" - deidi sarapshy.
"Instagram-da bir qyz Qaiyńdy kólinde júzip turǵan úrlemeli matrastyń ústindegi videosyn jariialady. Qazaqstanda týrizmdi damytý úshin túsirilgen video dep jazǵan. Kóldiń ulttyq park aýmaǵynda ornalasqanyn, onda shomylýǵa qatań tyiym salynǵanyn túsiný kerek. Adamdar osylai bilgenin istese, barlyq kelý erejesi buzylady. Búgin matras, erteń qaiyq ákeledi. Osylai biz kóldiń basty ereksheligi - sýǵa batqan ormannan aiyrylyp qalýymyz múmkin", - dep narazy bolady Sáken Dildahmet.
Ol matrasta júzý qaiǵyly jaǵdaiǵa ákep soqtyrýy múmkin ekenin aitady.
"Kólde qutqarýshylar joq, óitkeni júzýge tyiym salynǵan jáne sý muzdai. Bul bassein nemese demalys orny emes. Adamdar tabiǵatqa degen kózqarasyn osylai kórsetedi. Ulttyq park ákimshiligi shara qoldanyp, kinálilerdi jaýapqa tartady dep oilaimyn", - dedi Dildahmet tilshimizge.
Al áleýmettik jelilerdegi pikir ekige bólinse de, narazy bolǵandar óte kóp.
