Foto: Tengrinews.kz
Sot óz kelinine pyshaq suqqan áieldi 4 jylǵa bas bostandyǵynan aiyrdy, - dep habarlaidy Massaget.kz portaly Podrobno.uz saityna silteme jasap.
Qaiǵyly oqiǵa 5 mamyrda Tashkentte bolǵan. Basylym málimetinshe, áiel kishi ulynyń úiinde qonaqta bolǵan, ol pyshaqpen baqtaǵy shópti tazalap jatqan. Onyń sózinshe, kelinine úiiniń tazalanbaǵanyn, turmysqa shyǵatyn qyzy ósip kele jatqanyn, kez kelgen sátte qudalar kelip qalýy múmkin ekenin aityp, eskertý jasaǵan.
Oǵan jaýap retinde kelini qaiyn enesine aýyr sózder aita bastaǵan. Qorlyqqa shydai almaǵan áiel kelinine pyshaq suqqan. Qan kórgen kezde qaiyn enesi kómek kórsetýge tyrysqan, keiin jedel járdem shaqyrý úshin kórshilerine júgirgen.
Týysqandary qaiyn enesi men kelini buǵan deiin de urysqanyn, biraq bir-birine birinshi ret qol kótergenin aitqan.
Kómek kórsetilgenine qaramastan, áiel tórt kúnnen keiin aýrýhanada qaza bolǵan. Onyń artynda úsh balasy qalǵan, eń kishisi - 6 ailyq. Al áieldiń qaiyn enesi 4 jylǵa bas bostandyǵynan aiyrylǵan.
