فوتو: Tengrinews.kz
سوت ٶز كەلٸنٸنە پىشاق سۇققان ەيەلدٸ 4 جىلعا باس بوستاندىعىنان ايىردى, - دەپ حابارلايدى Massaget.kz پورتالى Podrobno.uz سايتىنا سٸلتەمە جاساپ.
قايعىلى وقيعا 5 مامىردا تاشكەنتتە بولعان. باسىلىم مەلٸمەتٸنشە, ەيەل كٸشٸ ۇلىنىڭ ٷيٸندە قوناقتا بولعان, ول پىشاقپەن باقتاعى شٶپتٸ تازالاپ جاتقان. ونىڭ سٶزٸنشە, كەلٸنٸنە ٷيٸنٸڭ تازالانباعانىن, تۇرمىسقا شىعاتىن قىزى ٶسٸپ كەلە جاتقانىن, كەز كەلگەن سەتتە قۇدالار كەلٸپ قالۋى مٷمكٸن ەكەنٸن ايتىپ, ەسكەرتۋ جاساعان.
وعان جاۋاپ رەتٸندە كەلٸنٸ قايىن ەنەسٸنە اۋىر سٶزدەر ايتا باستاعان. قورلىققا شىداي الماعان ەيەل كەلٸنٸنە پىشاق سۇققان. قان كٶرگەن كەزدە قايىن ەنەسٸ كٶمەك كٶرسەتۋگە تىرىسقان, كەيٸن جەدەل جەردەم شاقىرۋ ٷشٸن كٶرشٸلەرٸنە جٷگٸرگەن.
تۋىسقاندارى قايىن ەنەسٸ مەن كەلٸنٸ بۇعان دەيٸن دە ۇرىسقانىن, بٸراق بٸر-بٸرٸنە بٸرٸنشٸ رەت قول كٶتەرگەنٸن ايتقان.
كٶمەك كٶرسەتٸلگەنٸنە قاراماستان, ەيەل تٶرت كٷننەن كەيٸن اۋرۋحانادا قازا بولعان. ونىڭ ارتىندا ٷش بالاسى قالعان, ەڭ كٸشٸسٸ - 6 ايلىق. ال ەيەلدٸڭ قايىن ەنەسٸ 4 جىلعا باس بوستاندىعىنان ايىرىلعان.
