Shymkenttik politseiler qaitarymsyz nesie shyǵaryp beremin dep turǵyndy aldap ketken áieldi ustady, – dep habarlaidy Polisia.kz.
Shymkent qalasy Politsiia departamentiniń qyzmetkerleri jergilikti turǵyndy aldap, alaiaqtyqpen ainalysqan áieldiń qylmysyn áshkereledi.
Qarataý aýdanynyń Politsiia basqarmasyna keńse arqyly Shymkent qalasynyń turǵynynan aryz túsken. Aryz berýshiniń aitýynsha, Halyqqa qyzmet kórsetý ortalyǵynda beitanys azamatsha memlekettik baǵdarlama arqyly biznes bastaý úshin qaitarymsyz 5 mln teńge nesie shyǵaryp beremin dep senimine kirgen. Sosyn jábirlenýshiniń telefonyndaǵy ekinshi dárejeli bank qosymshasy arqyly 600 myń teńge aqshasyn aýdaryp, iemdenip alǵan.
Qarataý APB kriminaldyq politsiia bóliminiń qyzmetkerlerimen jedel-izdestirý barysynda 27 jastaǵy áiel anyqtalyp, basqarmaǵa jetkizildi.
